استانا. - 22-23 ساۋىردە ۇلىبريتانيا سىرتقى ىستەر ءمينيسترى لورد دەۆيد كەمەرون قىرعىز ارىپتەسىنىڭ شاقىرۋىمەن قىرعىزستانعا رەسمي ساپار جاسايدى.
قىرعىز رەسپۋبليكاسى سىرتقى ىستەر مينيسترلىگىنىڭ حابارلاۋىنشا، كەزدەسۋ بارىسىندا ەكى ەلدىڭ سىرتقى ىستەر ۆەدومستۆولارىنىڭ باسشىلارى كەلىسسوزدەر جۇرگىزىپ، ەكىجاقتى قىرعىز-بريتان ىنتىماقتاستىعىنىڭ پەرسپەكتيۆالارىن تالقىلايدى.
ساپار باعدارلاماسىنا دەۆيد كەمەرون مەن قىرعىزستان پرەزيدەنتى سادىر جاپاروۆ پەن مينيسترلەر كابينەتىنىڭ باسشىسى اقىلبەك جاپاروۆتىڭ كەزدەسۋى كىرەدى.
بۇعان دەيىن ۇلى بريتانيانىڭ بۇرىنعى پرەمەر-ءمينيسترى دەۆيد كەمەروننىڭ تاجىكستانعا ساپارى حابارلانعان بولاتىن.
ريزابەك نۇسىپبەك ۇلى
«قازاق ءتىلى مەن ادەبيەتى» ماماندىعىنىڭ ماگيسترى.
2009 -جىلدان بەرى "قازاقپارات" حالىقارالىق اقپارات اگەنىتتىگىندە قىزمەت اتقارادى.
"قازاقپارات" حالىقارالىق اقپارات اگەنتتىگىن دامىتۋعا قوسقان ۇلەسى ءۇشىن جانە ەلىمىزدىڭ اقپارات سالاسىنا سىڭىرگەن ەڭبەگى ءۇشىن «كۇمىس بىتىكشى» مەدالىنىڭ يەگەرى.
حالىقارالىق، رەسپۋبليكالىق جىر ءمۇشايرالارىنىڭ جۇلدەگەرى.