دونالد ترامپقا جاسالعان قاستاندىققا قاتىستى جاڭا دەرەك شىقتى

استانا. قازاقپارات - Wall Street Journal باسىلىمى ا ق ش رەسپۋبليكالىق پارتياسىنىڭ كانديداتى دونالد ترامپقا وق جاۋدىرعان 20 جاستاعى توماس مەتيۋ كرۋكس تۋرالى جاڭا مالىمەتتەردى اشتى، دەپ جازادى BILD.

كرۋكس قۇرال-جابدىقتار مەن حيميالىق زاتتاردى اتا-اناسىنىڭ ۇيىندە ساقتاعان. ول عىلىمعا قىزىعۋشىلىق تانىتىپ، ەكسپەريمەنت جۇرگىزگەن جانە بىرنەشە ماراپاتى بار ماتەماتيك بولعاندىقتان، ونىڭ اتا-اناسى وعاش ەشتەڭەدەن كۇدىكتەنبەگەن، دەدى ف ت ب-ىنىڭ ارنايى اگەنتى كيەۆين رودجاك Wall Street Journal باسىلىمىنا.

- اتا-اناسى بۇل تۋرالى ەشتەڭە بىلمەيتىندەرىن ايتتى. جاۋاپ الۋ كەزىندە وزدەرىن سەنىمدى ۇستاپ، تەرگەۋگە كومەكتەستى، - دەپ قوستى ول.

قۇپيا قىزمەتتىڭ بۇرىنعى اگەنتى پول ەكلوفف The Hill گازەتىنە بەرگەن سۇحباتىندا كرۋكستىڭ پسيحيكالىق دەنساۋلىعىندا پروبلەما بار دەپ بولجادى. بۇعان دەيىن New York Post گازەتى كرۋكس بولعان وقيعاعا دەيىن دەپرەسسيالىق بۇزىلىس تۋرالى اقپاراتتى ينتەرنەتتەن ىزدەگەنىن جازعان. سونىمەن قاتار، ول سلوۆاكيا پرەمەر-ءمينيسترى روبەرت فيكوعا بيىلعى جىلدىڭ مامىر ايىندا جاسالعان قاستاندىق تۋرالى وقىعان.

ەستەرىڭىزگە سالا كەتەيىك، دونالد ترامپقا ا ق ش-تىڭ پەنسيلۆانيا شتاتىنىڭ باتلەر قالاسىندا سايلاۋالدى ناۋقانى كەزىندە قاستاندىق جاسالدى. وندا 20 جاستاعى توماس مەتيۋ كرۋكس ترامپ سويلەي باستاعاننان بىرنەشە مينۋت وتكەن سوڭ اۆتوماتتان وق جاۋدىردى.

اۆتور
ەركەجان سماعۇلوۆا