دونالد ترامپ: زەلەنسكي ءبىتىم جاساعىسى كەلەتىنىن ايتتى
استانا. KAZINFORM — ا ق ش پرەزيدەنتى دونالد ترامپپەن سويلەسكەن ۆلاديمير زەلەنسكي بىتىمگە كەلۋدى قالايتىنىن ايتقان. بۇل تۋرالى اق ءۇي باسشىسى Truth Social الەۋمەتتىك جەلىسىندە جازدى، دەپ حابارلايدى ت ا س س اگەنتتىگى.
- جاڭا عانا ۋكراينا پرەزيدەنتى ۆلاديمير زەلەنسكيمەن سويلەستىم. اڭگىمە وتە جاقسى ءوتتى. ول (رەسەي پرەزيدەنتى ۆلاديمير) پۋتين سياقتى تاتۋلاسقىسى كەلەدى. ءبىز سوعىسقا قاتىستى كوپ نارسەنى تالقىلادىق، نەگىزىنەن جۇما كۇنى ميۋنحەندە وتەتىن كەزدەسۋ ءسوز بولدى. وندا ۆيتسە-پرەزيدەنت دج. د. ۆەنس پەن مەملەكەتتىك حاتشى ماركو رۋبيو دەلەگاتسيانى (ا ق ش- تىڭ ميۋنحەن قاۋىپسىزدىك كونفەرەنتسياسىندا) باسقارادى. بۇل كەزدەسۋدىڭ ناتيجەسى وڭ بولادى دەپ سەنەمىن. جاپپاي جانە مۇلدەم قاجەتسىز ءولىم مەن قيراۋعا اكەلىپ سوقتىراتىن بۇل ماعىناسىز سوعىستى توقتاتاتىن ۋاقىت كەلدى.
رەسەي مەن ۋكراينا حالقىن قۇداي قولداسىن، - دەپ جازدى دونالد ترامپ.
بۇعان دەيىن ترامپتىڭ رەسەي پرەزيدەنتى ۆلاديمير پۋتينمەن تەلەفون ارقىلى سويلەسكەنى حابارلانعان بولاتىن.