دونالد ترامپ پەن يزرايل پرەمەرى بينيامين نەتانياحۋ كەزدەستى
استانا. KAZINFORM - ا ق ش- تىڭ بۇرىنعى پرەزيدەنتى دونالد ترامپ پەن يزرايل پرەمەر- ءمينيسترى بينيامين نەتانياحۋ كەزدەستى، دەپ حابارلايدى 24kz.
«سوڭعى رەت 4 جىل بۇرىن جۇزدەسكەن ساياساتكەرلەردىڭ بۇل جولعى كەزدەسۋى پرەزيدەنتتىك سايلاۋ الدىندا ساياسي ۇپاي جيناپ، قارىم-قاتىناستى رەتتەۋگە ارنالدى»، - دەيدى ساراپشىلار.
كەزدەسۋ بارىسىندا ترامپ كامالا حارريستى ديسكرەديتتەۋگە تىرىسسا، يزرايل ۇكىمەت باسشىسى پالەستيناداعى سوعىستىڭ قاشان توقتايتىنى تۋرالى ماردىمدى جاۋاپ بەرمەگەن. ترامپتىڭ فلوريداداعى مار- ا- لاگو رەزيدەنسياسىندا وتكەن كەزدەسۋدە پالەستيناداعى سوعىستىڭ قۇرباندارى، تۇتقىنداردى بوساتۋ جانە بىتىمگەرشىلىككە كەلۋ سىندى ماسەلەلەر ءسوز بولعان. ال، يزرايل ۇكىمەت باسشىسىنىڭ فلوريداعا كەلەتىنىن بىلگەن جەرگىلىكتى حالىق نارازىلىعىن ءبىلدىرىپ، كوشەگە شىقتى. ولار پالەستيناداعى سوعىستى توقتاتۋدى تالاپ ەتكەن.