دوللار قىمباتتادى

الماتى. KAZINFORM - قازاقستان قور بيرجاسىنداعى (KASE) ساۋدا-ساتتىق قورىتىندىسى بويىنشا 1 دوللاردىڭ تەڭگەگە شاققانداعى باعامى ءوستى.

ساۋدا-ساتتىق مالىمەتىنە قاراعاندا، دوللار باعامى 28-قازان كەشىمەن سالىستىرعاندا 2,68 تەڭگەگە وسكەن.

ءبىر ا ق ش دوللارىنىڭ ورتاشا باعامى - 487,81 تەڭگە.

ۇلتتىق بانكتىڭ 28-قازانداعى رەسمي باعامى - 1 دوللارعا 485,11 تەڭگە. رەسەي رۋبلىنىڭ ورتاشا سارالانعان قۇنى - 5,02 تەڭگە. ەۋرو - 523,82.

Kurs.kz مالىمەتىنشە، قازىرگى ۋاقىتتا الماتىنىڭ اقشا ايىرباستاۋ پۋنكتتەرىندە دوللار 487,5 تەڭگەدەن ساتىلىپ جاتىر، ساتىپ الۋ باعامى - 489,9 تەڭگە. ەۋرو 527,5-531,5 تەڭگە ارالىعىندا ساۋدالانۋدا.

ال، استانا قالاسى بويىنشا ساتۋ باعامى - 487 تەڭگە، ساتىپ الۋ قۇنى – 491 تەڭگە.

ەۋرو 525 تەڭگەدەن ساتىلىپ، 531 تەڭگەدەن ساتىپ الىنادى.

رەسەي ءرۋبلى 4,98-5,10 تەڭگە ارالىعىندا ساۋدالانىپ جاتىر.

بۇعان دەيىن قارجى ساراپشىسى راسۋل رىسمامبەتوۆ تەڭگە قۇنىنىڭ السىرەۋ سەبەبىن ءتۇسىندىردى.