دوللار 1,33 تەڭگەگە ارزاندادى

 الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى تومەندەدى، دەپ حابارلايدى kazinform.

كۇندىزگى ساۋدا- ساتتىق مالىمەتىنە قاراعاندا، دوللار 1,33 تەڭگەگە تومەندەپ، 1 دوللار 477,02 تەڭگەنى قۇرادى.

ايتا كەتەيىك، ۇلتتىق بانكتىڭ 9- قازانعا بەلگىلەگەن رەسمي باعامى - 1 دوللار ءۇشىن 478,43 تەڭگە.

Kurs.kz دەرەگىنشە، الماتىداعى اقشا ايىرباستاۋ پۋنكتەرىندە دوللار 477,3 تەڭگەدەن ساتىلىپ جاتىر، ساتىپ الۋ - 479,9 تەڭگە. ال استانا قالاسىندا اقش ۆاليۋتاسى 475 تەڭگەدەن ساتىلىپ جاتىر، ساتىپ الۋ قۇنى - 480 تەڭگە.

الماتىدا رەسەي ءرۋبلى 4,69 - 4,89 تەڭگە ارالىعىندا، استانادا 4,7 - 4,85 تەڭگە ارالىعىندا ۇسىنىلۋدا.

ەسكە سالايىق، 6-قازان كەشىندەگى سوڭعى ساۋدا- ساتتىقتا دوللاردىڭ ورتاشا باعامى 0,76 تەڭگەگە قىمباتتاپ، 478,35 تەڭگەنى قۇراعان ەدى.