دوكتورانتۋراعا تۇسۋگە قۇجات قابىلداۋ بۇگىن باستالادى
استانا. قازاقپارات - 2024 -جىلعى دوكتورانتۋراعا ءتۇسۋ ەمتيحانىنا ءوتىنىش قابىلداۋ testcenter.kz سايتىندا 11-شىلدەدەن باستاپ 3-تامىزعا دەيىن جۇرگىزىلەدى.
ءوتىنىش بەرۋ كەزىندە تەك تەستىلەۋ ورنىن (قالاسىن) تاڭداي الاسىزدار.
ال تەست تاپسىرۋ كۇنى، ۋاقىتى جانە ورنى (مەكەنجايى) تۋرالى اقپارات 9-تامىزدا جەكە كابينەتتىڭ «مەنىڭ ءىس-ارەكەتىم» بولىمىندە ۇسىنىلادى.
ايتا كەتەيىك، سىزدەرگە وتىنىشتەردى قابىلداۋ مەرزىمى اياقتالعانعا دەيىن، ياعني 3 -تامىزعا دەيىن ءبىلىم بەرۋ باعدارلامالارىنىڭ توبىنا، تەست تاپسىرۋ ءتىلى مەن ورنىنا (قالاسىنا) وزگەرىس ەنگىزۋگە مۇمكىندىك بەرىلەدى.
ەمتيحانعا قاتىسۋ قۇنى — 21072 تەڭگە.
TOEFL ITP سەرتيفيكاتى بار تۇلعالار دتە باستالعانعا دەيىن اعىلشىن ءتىلىن بىلۋگە ارنالعان قوسىمشا تەستىلەۋدى (قوسىمشا تەستىلەۋ) تاپسىرادى.
قوسىمشا تەستىلەۋدى وتكىزۋ ورنى مەن ۋاقىتى تۋرالى اقپارات 5-تامىزدا تالاپكەردىڭ جەكە كابينەتىندە قولجەتىمدى بولادى. قوسىمشا تەستىلەۋگە قاتىسۋ قۇنى - 14162 تەڭگە.
تۇسۋشىلەر مىندەتتى تۇردە قازتەست سەرتيفيكاتىن جانە شەت ءتىلىن مەڭگەرگەنىن راستايتىن سەرتيفيكات ۇسىنۋى كەرەك.
2024 -جىلى شەت ءتىلىن مەڭگەرگەنىن راستايتىن سەرتيفيكاتتاردىڭ شەكتى دەڭگەيى B1 گە دەيىن تومەندەتىلدى جانە تىزىمگە TOEIC جانە Duolingo English Test سەرتيفيكاتتارى ەنگىزىلدى.
دوكتورانتۋراعا «ماگيستر» دارەجەسى جانە كەمىندە 9 (توعىز) اي ەڭبەك ءوتىلى بار نەمەسە مەديتسينا ماماندىقتارى بويىنشا رەزيدەنتۋرادا وقۋ بىتىرگەن ادامدار قابىلدانادى.
مەملەكەتتىك ءبىلىم بەرۋ تاپسىرىسى بويىنشا جانە اقىلى نەگىزدە دوكتورانتۋراعا ءتۇسۋ ءۇشىن شەكتى بالل - 75 بالل.
2024 -جىلدان باستاپ تۇسۋشىلەردىڭ بەيىنى بويىنشا دوكتورلار باعدارلاماسى اياسىندا دوكتورانتۋراعا تۇسۋگە مۇمكىندىگى بار.
بۇل باعدارلاما ءۇشىن شەت ءتىلىن مەڭگەرگەنىن راستايتىن سەرتيفيكاتتىڭ بەلگىلى ءبىر دەڭگەيى تالاپ ەتىلمەيدى.
سونداي-اق، بەيىنى بويىنشا دوكتورلار باعدارلاماسىنا تۇسۋشىلەر ەمتيحان بارىسىندا ەسسە جازبايدى.
ەڭ جوعارى كورسەتكىش — 80 بالل، ونىڭ ىشىندە اڭگىمەلەسۋگە - 25 بالل، كاسىپورىندار مەن ۇيىمداردىڭ ۇسىنىس حاتىنا (بولعان جاعدايدا) - 5 بالل جانە بەيىنى بويىنشا ەمتيحان سۇراقتارى - 50 بالل.
شەكتى بالل - كەمىندە 50.