دەپۋتات سپورتتىق باعدارلامالار تۋرالى: بۇقارانى سپورتپەن قامتۋ مىندەتىن ورىنداماي وتىر

استانا. KAZINFORM - ءماجىلىس دەپۋتاتى سەرگەي پونوماريەۆ بالالارعا جانە بۇقاراعا ارنالعان سپورتتىق باعدارلامالار مەن سەكسيالاردى سىنعا الدى.

«بۇقارالىق سپورتتى دامىتۋ ءۇشىن ءتورت جىل بۇرىن «ارت-سپورت» باعدارلاماسى ىسكە قوسىلدى، يدەيا جاقسى، ءبىراق كوپكە سوزىلماي شۋ شىقتى. سايىپ كەلگەندە، سپورتقا قۇمار بالالار مۇمكىندىكسىز قالدى، باعدارلاما ساتسىزدىككە ۇشىرادى. كەيىن ءار ءوڭىر ءوز باعدارلامالارىن ىسكە قوستى، ول دا تولىق پىسىقتالماعان جانە بۇقارانى سپورتپەن قامتۋ مىندەتىن ورىنداماي وتىر»، - دەدى سەرگەي پونوماريەۆ ءماجىلىستىڭ جالپى وتىرىسىندا دەپۋتاتتىق ساۋال جولداپ.

ودان ءارى حالىق قالاۋلىسى الماتىدا باستاۋ العان «دامۋ بالا» سپورتتىق باعدارلاماسىنىڭ ىسكە اسۋ بارىسىنا توقتالدى.

«الماتىداعى بالالار بيۋدجەت ەسەبىنەن تولەنەتىن سپورتپەن لاس باسسەيندە جاتتىعادى، ول جەردە تاۋلىك بويى جۇمىس ىستەيتىن ساۋنا، بيليارد جانە تەحنيكالىق بايقاۋ ستانسياسى اشىلعان. سپورتتىق گيمناستيكا سەكسياسى جەلدەتكىشى جوق، توبەلەرى تومەن جەرتولەدە ءوتىپ جاتىر، ۆوكال جانە دومبىرا ساباقتارى وتەتىن كابينەتتە سۋ، دارەتحانا، جەلدەتكىش جوق. ال يسپان فۋتبول اكادەمياسى اشىق الاڭعا ورنالاسقان، ول جەردە جۋىناتىن جانە كيىم اۋىستىراتىن بولمە جوق»، - دەپ اتالعان باعدارلامانى سىنعا الدى.

دەپۋتاتتىڭ ايتۋىنشا، جوعارىدا اتالعان فاكتىلەر الماتى قوعامدىق كەڭەسى مەن ءماسليحاتىنىڭ مۇشەلەرى «دامۋ بالا» بالالار سپورتى مەن شىعارماشىلىعىن جان باسىنا شاققانداعى قارجىلاندىرۋ باعدارلاماسىنىڭ جۇمىسىنا مونيتورينگ جۇرگىزۋ بارىسىندا انىقتالعان. ولار 52 ءبولىم مەن 1038 ۇيىرمەگە مونيتورينگ جۇرگىزگەن، ناتيجەسىندە %5- ى عانا تالاپتارعا ساي بولعان.

سونداي- اق، ماجىلىسمەن بۇقارالىق سپورتتى دامىتۋ پرەزيدەنت تاپسىرماسى ەكەنىن ەسكە سالدى.

وسى ورايدا سەرگەي پونوماريەۆ قىسقا مەرزىمدە وڭىرلىك باعدارلامالاردىڭ جۇمىسىنا ءبىرقاتار وزگەرىستەر مەن تۇزەتۋلەر ەنگىزۋدى ۇسىندى:

1. باقىلاۋدى كۇشەيتۋ ءۇشىن ەسەپكە الۋدىڭ تەحنيكالىق مۇمكىندىگىن تابۋ، جەتكىزۋشىلەرمەن جاسالعان شارتتارعا جاتتىقتىرۋشىلار مەن نۇسقاۋشىلاردىڭ بىلىكتىلىگىنە قويىلاتىن تالاپتاردى، ءۇي-جايلاردىڭ ولشەمدەرى مەن جابدىقتالۋىن، قاۋىپسىزدىك تەحنيكاسى بويىنشا ەنگىزۋدى جانە بيۋدجەت ەسەبىنەن بالالاردى قايدا جانە قالاي وقىتۋعا بولاتىنىن وفلاين رەجيمدە مونيتورينگ جۇرگىزۋ.

2. جەرگىلىكتى اتقارۋشى ورگاندار باعدارلامانىڭ تالاپتارىنا سايكەس ۇيىرمەلەر مەن سەكسيالاردى ۇيىمداستىرۋ مانىنە قوعامشىلدار مەن ءماسليحات دەپۋتاتتارىن تارتا وتىرىپ، باعدارلاماعا قاتىسۋشىلاردى جىلىنا كەمىندە ەكى رەت كەزەكتەن تىس تەكسەرۋدى جۇزەگە اسىرسىن.

3. باعدارلامانىڭ بارلىق بالالارى ءۇشىن، ونىڭ ىشىندە ينكليۋزيامەن تەڭ جاعداي جاساۋ.

اۆتور

داۋلەت ىزتىلەۋ