دەپۋتات كوشپەندىلەر ويىنىنا بيلەت ساتىپ الا الماي ءجۇر

استانا. KAZINFORM - ءماجىلىستىڭ الەۋمەتتىك- مادەني دامۋ كوميتەتىنىڭ وتىرىسىندا تۋريزم جانە سپورت ءمينيسترى ەرمەك مارجىقپايەۆ استانادا وتەتىن دۇنيەجۇزىلىك كوشپەندىلەر ويىندارىنا بيلەت ساتىلا باستاعانىن ايتقان. الايدا ءماجىلىس دەپۋتاتى داۋلەت مۇقايەۆ بۇل مالىمەتتىڭ راستىعىنا كۇمان كەلتىردى.

«ءسىز ايتىپ وتىرعان «زاكاز بيلەتوۆ» سايتىنان ويىنداردىڭ بيلەتىن الا الماي وتىرمىن. مەن سول سايتتىڭ جاۋابىن وقىپ بەرەيىن. سىزدەر ءبىر نارسە ايتاسىزدار، ال ىسكە كەلگەندە مۇلدەم باسقالاي بولىپ شىعادى. «قۇرمەتتى دوستار، بەسىنشى دۇنيەجۇزىلىك كوشپەندىلەر ويىنىنا بيلەت ساتۋ كەزەڭ-كەزەڭىمەن جۇرەدى. كەيبىر نىسانداردا كۇردەلى جوندەۋ ءجۇرىپ جاتىر - كورەرمەندەردى ورنالاستىرۋ سىزباسى وزگەرىپ جاتىر. وسىعان بايلانىستى ويىنداردىڭ اشىلۋ، جابىلۋ سالتاناتتارىنا ارنالعان بيلەتتەر كەيىن ساتىلا باستايدى. وفلاين كاسسالار جارىس باستالاردىڭ الدىندا، قىركۇيەكتە 3 نىساندا اشىلادى» دەپ جازىلعان. قازىر بيلەت ساتىلىمدا جوق دەپ ايتقاندارىڭىز دۇرىس بولاتىن شىعار»، - دەدى دەپۋتات.

مينيسترلىك ماماندارى «جەكپە-جەك» سارايىندا وتەتىن ءىس-شارانىڭ بارىنە بيلەت ساتىلىپ جاتقانىن ايتىپ اقتالدى.

«جاقسى، ءسىز ايتىپ وتىرعان بيلەتتەردى قاي جەردەن ساتىپ الايىن؟» - دەپ سۇرادى داۋلەت مۇقايەۆ.

اۆتور
ەسىمجان ناقتىباي