درونداردى زاڭسىز قۇراستىرىپ، قارۋ رەتىندە قولدانۋدىڭ جازاسى قاتاڭداتىلادى

استانا. KAZINFORM - وبلىستىق جانە رەسپۋبليكالىق ماڭىزى بار قالالاردىڭ اۋماعىنداعى مەملەكەتتىك كۇزەت باقىلاۋىنا بەرىلگەن مەكەمەلەردىڭ ۇستىنەن درون ۇشىرۋعا شەكتەۋ ەنگىزۋدىڭ ەرەجەسى ازىرلەنىپ جاتىر. پرەمەر-مينيستر ولجاس بەكتەنوۆتىڭ ءماجىلىس دەپۋتاتىنىڭ ساۋالىنا جولداعان جاۋابىندا وسىنداي مالىمەت ايتىلعان.

- قازىر قۇقىق قورعاۋ ورگاندارى ارنايى جانە وزگە دە مۇددەلى مەملەكەتتىك ورگانداردىڭ قاتىسۋىمەن پ ۇ ا-نى زاڭسىز قۇراستىرعانى جانە قارۋ رەتىندە قولدانعانى ءۇشىن اكىمشىلىك جانە قىلمىستىق جاۋاپكەرشىلىكتى قاتاڭداتۋ باعىتىندا شارالار ازىرلەپ جاتىر. سونداي-اق قورعانىس مينيسترلىگى پ ۇ ا ۇشۋىن رەتتەۋ مەن باقىلاۋدى قامتاماسىز ەتۋ ءۇشىن UFZ (وبلىستىق جانە رەسپۋبليكالىق ماڭىزى بار قالالار اۋماعىنىڭ ۇستىنەن پ ۇ ا ۇشۋىنا ارنالعان ارنايى ايماقتار) جانە UARU (مەملەكەتتىك كۇزەتكە جاتاتىن وبەكتىلەردىڭ ۇستىنەن ۇاك ۇشۋىن شەكتەۋ ايماقتارى) ايماقتارىن بەلگىلەۋ بويىنشا جۇمىستى جالعاستىرىپ جاتىر، - دەيدى ۇكىمەت باسشىسى.

قولدانىستاعى زاڭنامادا پيلوتسىز ۇشاتىن اپپاراتتى زاڭسىز ۇشىرۋ ارقىلى اۋە كەڭىستىگىن پايدالانۋ ءتارتىبىن بۇزعان جەكە تۇلعالارعا 10 ايلىق ەسەپتىك كورسەتكىش (39320 تەڭگە)، لاۋازىمدى تۇلعالارعا 20 ا ە ك (78640 تەڭگە) ايىپپۇل سالىنادى.

ەسكە سالساق، ماۋسىم ايىندا سىرتقى ىستەر مينيسترلىگىنىڭ رەسمي وكىلى ايبەك سمادياروۆ رەسەيدى ابىگەرگە سالعان پيلوتسىز ۇشاتىن اپپاراتتار قازاقستان اۋماعىنان ۇشىرىلدى دەگەنگە ساياتىن الىپ-قاشپا اڭگىمەلەرگە جاۋاپ بەرگەن ەدى.

اۆتور

ەسىمجان ناقتىباي