دەرەكتەر قاۋىپسىزدىگى: Instagram بالالارعا ارنالعان جاڭا ەرەجە ەنگىزدى

استانا. قازاقپارات - Instagram جاسوسپىرىمدەردىڭ قاۋىپسىزدىگىن ارتتىرۋعا باعىتتالعان جاڭا مۇمكىندىكتەردى ەنگىزدى.

الەۋمەتتىك جەلى ەندى جاسوسپىرىمدەرگە ۇسىناتىن تاقىرىپتارعا كوبىرەك كوڭىل بولەدى، سونىمەن قاتار «ءۇزىلىس ال» مۇمكىندىگىن ەنگىزەدى، دەپ حابارلايدى Kommersant.ru سايتى.

الەۋمەتتىك جەلى قولدانۋشىلارعا وزدەرى جازىلماعان جاسوسپىرىمدەردى بەلگىلەۋگە نەمەسە اتاپ وتۋگە تىيىم سالدى.

Instagram سونىمەن قاتار جاسوسپىرىمدەردى ۇزاق ۋاقىت بويى ءبىر تاقىرىپقا نازار اۋدارعان بولسا، باسقا تاقىرىپتاردى قاراۋعا شاقىرادى. اتا- انالار بالالارىنىڭ Instagram دا قانشا ۋاقىت وتكىزەتىنىن كورىپ، ۋاقىت شەگىن بەلگىلەي الادى.

«ءۇزىلىس ال» مۇمكىندىگى پايدالانۋشىلارعا قوسىمشاعا كوپ ۋاقىت جۇمساعان جاعدايدا الەۋمەتتىك جەلىدەن ءۇزىلىس ۇسىنادى. بۇل قىزمەت ا ق ش، ۇلى بريتانيا، يرلانديا، كانادا، جاڭا زەلانديا جانە اۋستراليادا ىسكە قوسىلادى.

بۇرىن Instagram ەرەسەك قولدانۋشىلارعا ولارعا جازىلماعان جاسوسپىرىمدەرگە حات جولداۋعا تىيىم سالدى، سونىمەن قاتار 16 جاسقا تولماعان بالالار ءۇشىن جاڭا اككاۋنتتاردى جەكە ەتىپ جاسادى.

الەۋمەتتىك جەلى كوپتەگەن سىن ايتىلعانىنا بايلانىستى Instagram Kids قوسىمشاسىنىڭ بالالارعا ارنالعان نۇسقاسىن ازىرلەۋدى توقتاتتى.

سونداي-اق، پلاتفورماداعى كونتەنت تۇرلەرىنە شەكتەۋ قويىلادى. الەۋمەتتىك جەلىدە ميلليونداعان جاس قولدانۋشى تىركەلگەن. شەكتەۋ تولىق ىسكە قوسىلعاننان كەيىن، 16-17 جاستاعى جاسوسپىرىمدەر قولدانبانى قالاۋىنشا وزگەرتە الادى. ءبىراق 13-14 جاستاعىلار ءۇشىن اتا-اناسىنىڭ رۇقساتى قاجەت. كومپانيا مۇنداي وزگەرىستى پلاتفورمادا كامەلەتكە تولماعاندارعا قارسى قاۋىپتىڭ الدىن الۋ ماقساتىندا جۇزەگە اسىرعان.