دەنيس تەننىڭ ءولىمى: قىلمىسكەرلەردىڭ جازاسى وزگەرىسسىز قالدى

استانا. قازاقپارات - جوعارعى سوت مانەرلەپ سىرعاناۋدان سوچي وليمپياداسىنىڭ قولا جۇلدەگەرى دەنيس تەندى ولتىرگەن ەكى جىگىتتىڭ جازاسىن وزگەرىسسىز قالدىردى.

ايتا كەتەيىك، سوتتالعان ارمان قۇدايبەرگەنوۆ پەن نۇرالى قياسوۆتىڭ ادۆوكاتتارى تامىز ايىندا جوعارعى سوتقا ەكەۋىن دە اقتاپ الۋ تۋرالى شاعىم تۇسىرگەن.

سۋديالار ءىستى كاسساتسيالىق سوتقا جىبەرۋدەن باس تارتتى، - دەلىنگەن جوعارعى سوتتىڭ باسپا ءسوز قىزمەتى تاراتقان مالىمەتتە.

وسىلايشا، جوعارعى سوت ءىستى كاسساتسيالىق سوتقا جىبەرەتىندەي سوتتىڭ نەمەسە تەرگەۋدىڭ جۇمىسىنان قانداي دا ءبىر قۇقىق بۇزۋشىلىقتى نەمەسە وزگە دە نەگىزدى تابا الماعان.

ەستەرىڭىزدە بولسا، مانەرلەپ سىرعاناۋشى دەنيس تەن 2018-جىلدىڭ 19-شىلدەسىندە كىسى قولىنان قازا تاپتى.

سوت ۇكىمى بويىنشا دەنيس تەنگە شابۋىل جاساعان نۇرالى قياسوۆ پەن ارمان قۇدايبەرگەنوۆ 18 جىلعا باس بوستاندىعىنان ايىرىلعان.

سونىمەن قاتار، جانار تولىبايەۆا ق ر ق ك «قىلمىس تۋرالى حابارلاماۋ» 434-بابى بويىنشا كىنالى دەپ تانىلدى. ول 4 جىلعا سوتتالىپ، 2021-جىلى بوستاندىققا شىقتى.