دۇنيەجۇزىلىك كوشپەندىلەر ويىنى: قازاقستان مەدالدار كەستەسىندە كوش باستادى

استانا. قازاقپارات - 5- دۇنيەجۇزىلىك كوشپەندىلەر ويىندارىنىڭ ەكىنشى جارىس كۇنى ءوز مارەسىنە جەتتى. ەكىنشى جارىس كۇنىنىڭ قورىتىندىسى بويىنشا قازاقستان قۇراماسى 14 التىن، 3 كۇمىس، 8 قولا مەدالمەن جالپى ەسەپتە كوش باستاپ كەلەدى.

ەكىنشى ورىندا 3 التىن، 7 كۇمىس، 4 قولا جۇلدەمەن قىرعىزستان سپورتشىلارى كەلە جاتسا، ۇزدىك ۇشتىكتى 3 التىن، 2 كۇمىس، 5 قولا مەدال جەڭىپ العان رەسەي سپورتشىلارى تۇيىندەپ تۇر.

وزبەكستان قۇراماسىنىڭ ەنشىسىندە 2 التىن، 4 كۇمىس، 6 قولا بولسا، فرانسيانىڭ قۇراماسى 1 التىن، 1 قولا مەدالمەن جالپى ەسەپتە ۇزدىك بەسىنشى ورىندا كەلەدى.

بۇگىنگە دەيىن 5- دۇنيەجۇزىلىك كوشپەندىلەر ويىندارىنىڭ جۇلدەسى 20 مەملەكەتتىڭ سپورتشىلارىنا بۇيىردى.

فوتو: Kazinform

اۆتور
كۇنسۇلتان وتارباي