دۇنيەجۇزىلىك كوشپەندىلەر ويىندارىنا بايلانىستى جازعى دەمالىس ۇزارتىلا ما

استانا. KAZINFORM - استانا اكىمدىگى دۇنيەجۇزىلىك كوشپەندىلەر ويىندارىنىڭ وتۋىنە بايلانىستى مالىمدەمە جاسادى.

اكىمدىكتىڭ Telegram ارناسىندا جاريالاعان مالىمەتى بويىنشا، جاڭا وقۋ جىلى (مەكتەپ وقۋشىلارى، ستۋدەنتتەر) شتاتتىق رەجيمدە 1-قىركۇيەك كۇنى باستالادى. دۇنيەجۇزىلىك كوشپەندىلەر ويىندارىنىڭ وتۋىنە بايلانىستى جازعى دەمالىس ۇزارتىلمايدى.

سونداي-اق عىلىم جانە جوعارى ءبىلىم ءمينيسترى ساياسات نۇربەك ب ا ق وكىلدەرىنە استانادا وتەتىن كوشپەندىلەر ويىنى كەزىندە قالاداعى جوعارى وقۋ ورىندارى قالاي جۇمىس ىستەيتىنىن ايتتى.

«شەشىم بار. كوشپەندىلەر ويىندارى وقۋ پروتسەسىنە ەشقانداي اسەر ەتپەيدى. استاناداعى ستۋدەنتتەر قالىپتى رەجيممەن وقيدى. بۇل مەكتەپتەرگە قاتىستى ماسەلە شىعار. ءبىراق جوعارى ءبىلىم بويىنشا ايتساق، شتاتتىق رەجيمدە جۇمىس ىستەيمىز»، - دەدى ساياسات نۇربەك.

اۆتور
ايدار وسپاناليەۆ