دۇنيەجۇزىلىك كوشپەندىلەر ويىندارى قالاي جانە قايدا وتەدى

استانا. قازاقپارات - 8-13-قىركۇيەك ارالىعىندا استانادا ەتنيكالىق سپورت تۇرلەرى بويىنشا حالىقارالىق سپورتتىق جارىستار - V دۇنيەجۇزىلىك كوشپەندىلەر ويىندارى وتەدى. سپورتتىق ءىس-شاراعا 89 ەلدەن 2 مىڭنان استام ادام قاتىسادى.

ەلوردا اكىمدىگى رەسمي سايتىنىڭ مالىمەتىنشە، ويىندار ءۇش باعىت، ياعني سپورت، مادەنيەت جانە عىلىم بويىنشا وتەدى.

دۇنيەجۇزىلىك كوشپەندىلەر ويىندارىنىڭ ينفراقۇرىلىمىنا ەلوردالىق 6 نىسان كىردى: «استانا-ارەنا» ستاديونى، «قازانات» يپپودرومى، ج. ۇشكەمپىروۆ اتىنداعى جەكپە- جەك سارايى، «الاۋ» مۇز ايدىنى سارايى، «Qazaqstan» جەڭىل اتلەتيكالىق سپورت كەشەنى، «دۋمان» كەشەنى.

Фото: Астана әкімдігі

«قازانات» يپپودرومىندا جانە ەتنواۋىل اۋماعىندا ات جارىسى، ءداستۇرلى ساداق اتۋ جانە قۇستارمەن اڭ اۋلاۋدىڭ ۇلتتىق تۇرلەرى بويىنشا جارىس، سونداي-اق ات جارىستارى وتەدى. ج. ۇشكەمپىروۆ اتىنداعى جەكپە-جەك سارايى مەن «الاۋ» مۇز ايدىنى سارايىندا ۇلتتىق كۇرەس، جەكپە-جەك جانە حالىق ويىندارى بويىنشا جارىستار، «دۋمان» كەشەنىندە ءداستۇرلى زياتكەرلىك ويىندار وتەدى. «Qazaqstan» جەڭىل اتلەتيكالىق سپورت كەشەنىندە اككرەديتتەۋ جانە جابدىقتاۋ ورتالىقتارى ورنالاسادى.

ويىنداردىڭ عىلىمي باعدارلاماسىنىڭ ءىس-شارالارى ق ر ۇلتتىق مۋزەيىندە وتەدى.

Фото: gov.kz

وڭتۇستىك-باتىس جاعىنان «قازانات» يپپودرومىنا ىرگەلەس 10 گ ا اۋماقتا ورنالاسقان «كوشپەندىلەر الەمى» ەتنواۋىلى ۆ ي ك مادەني باعدارلاماسىن ىسكە اسىرۋ ءۇشىن باستى الاڭ بولادى. سونداي-اق مادەني باعدارلاما شەڭبەرىندەگى ءىس- شارالار استانانىڭ ءتۇرلى الاڭدارىندا (الاڭدار، ساياباقتار، سكۆەرلەر، باسقا دا قوعامدىق كەڭىستىكتەر، تەاترلار، كونتسەرت زالدارى، كينوتەاترلار، مۇراجايلار، كورمە پاۆيلوندارى جانە ت. ب. ) وتەدى.

سپورتتىق باعدارلاما جارىستاردى سپورتتىڭ 21 تۇرىنەن قامتيدى. ونىڭ ىشىندە:

* اسىق اتۋ

* وردو

* ارقان تارتىس

* بايگە

* كوكپار

* اۋدارىسپاق

* تەڭگە ءىلۋ

* قازاق كۇرەسى

* اشىرتمالى ابا گۇرەشي

* كورەش (بەلبەۋ تاتار كۇرەسى)

* كوكبورۋۋ

* الىش

* ماس- رەستلينگ

* Powerful nomad (الىپتار سايىسى)

* توعىزقۇمالاق (توعىزقورعۇل)

* مانگالا

* وۆاري

* جامبى اتۋ

* ءداستۇرلى ساداق اتۋ

* قۇسبەگىلىك

* قۇراش (وزبەك كۇرەسى)

ويىنداردا 100-گە جۋىق مەدال جيىنتىعى ويناتىلادى.