دەنساۋلىققا پايدالى 3 شاي

 قازاقتاردىڭ كوپشىلىگى كوفەگە قاراعاندا شايدى جاقسى كورەدى. الايدا كوپشىلىك شايدى قويۋ ەتىپ جانە وعان ءسۇت قوسىپ ىشكەندى جاقسى كورەدى. 

ءبىراق مۇنداي شايدى كوپ ءىشۋ اعزاعا جاعىمسىز اسەر ەتۋى مۇمكىن. سوندىقتان دەنساۋلىققا پايدالى بولۋى ءۇشىن قانداي شاي تۇرلەرىن ءىشۋ كەرەگىن ۇسىنامىز.

تۇيمەداق شايى

تۇيمەداق شايى پسيحولوگيالىق تەپە-تەڭدىكتى قالىپقا كەلتىرۋگە ىقپال ەتەدى، سوندىقتان ونى مازاسىزدانعاندا، ۇيقىسىزدىقپەن قينالعاندا ءىشۋ ۇسىنىلادى. سونداي-اق ونى كۇندەلىكتى ىشۋگە دە قولدانۋعا بولادى. تۇيمەداق شايى دەنەدەگى جۇكتەمەنى ءتۇسىرىپ، ويلارىڭىزدى رەتكە كەلتىرۋگە كومەكتەسەدى.

ۋلۋن

ۋلۋن - قارا شايمەن دە، كوك شايمەن دە سالىستىرۋعا كەلمەيتىن جارتىلاي فەرمەنتتەلگەن شاي. ءۋلۋننىڭ وزىنە ءتان ەرەكشە ءدامى بار. ونى بىرەۋلەر جاقسى كورسە، باسقالار مۇلدەم ىشە المايدى. ۋلۋندى ارىقتاعىسى كەلەتىن نەمەسە دەنە سىمباتتىلىعىن ساقتاعىسى كەلەتىن ادامدارعا ءىشۋ ۇسىنىلادى. سەبەبى بۇل شاي ماي قىرتىستارىن جىلدام ىدىراتۋعا كومەكتەسەتىن فەرمەنتتەردى ىسكە قوسادى.

ءزىمبىر شايى

كۇن سالقىنداپ كەلە جاتقاندىقتان، ءزىمبىر جانە ليمون قوسىلعان شاي جايلى ايتپاۋعا بولمايدى. تەك ءزىمبىر تامىرىنان دايىندالعان سۋسىن اسقازانعا قاۋىپتى بولۋى مۇمكىن. سوندىقتان سۇيىكتى شايىڭىزعا ءزىمبىر تىلىمدەرى مەن ليمون قوسىپ ىشكەن دۇرىس. مۇنداي سۋسىن تاماقتاعى قابىنۋدى تۇسىرەدى جانە تىنىس جولدارىنداعى باكتەريالاردىڭ كوبەيۋىن توقتاتادى. الايدا اۋرۋدىڭ الدىن الۋ ءۇشىن ءزىمبىر شايىن كۇنىنە ءبىر-ەكى كەسە ءىشۋ جەتكىلىكتى. اسىرەسە، اسقازان-ىشەك جولى پروبلەمالارى بار ادامدار ونى ابايلاپ ءىشۋ كەرەك.