دەنساۋلىق ساقتاۋ مينيسترلىگى سالا ۇزدىكتەرىن ماراپاتتادى

استانا. KAZINFORM - ەلوردادا ق ر دەنساۋلىق ساقتاۋ مينيسترلىگى ۇيىمداستىرعان «ماماندىعىنىڭ ۇزدىگى» رەسپۋبليكالىق بايقاۋىنىڭ جەڭىمپازدارىن ماراپاتتاۋ ءراسىمى ءوتتى.

سالتاناتتى جيىندا مينيستر اقمارال ءالنازاروۆا ەلىمىزدىڭ تۇكپىر- تۇكپىرىنەن كەلگەن دەنساۋلىق ساقتاۋ سالاسىنىڭ ۇزدىك ماماندارىنا ديپلومدار مەن سەرتيفيكاتتار تابىستادى.

بيىلعى بايقاۋ 17 نوميناتسيا بويىنشا ءوتتى. جەڭىمپازدار قاتارىندا ستاتسيونارلىق جانە اۋىلدىق دارىگەرلەر، اكۋشەرلەر مەن مەيىرگەرلەر، فەلدشەرلەر مەن سانيتاريالىق- ەپيدەميولوگيالىق سالا ماماندارى، سونىمەن قاتار مەديتسينالىق ج و و جانە كوللەدج وقىتۋشىلارى بار.

«ماماندىعىنىڭ ۇزدىگى» اتانعاندار:

«ستاتسيوناردىڭ ۇزدىك دارىگەرى» - سمايىلوۆ سوۆەت ءسلاممۇرات ۇلى (پاۆلودار وبلىسى)؛

«ۇزدىك جەدەل جاردەم دارىگەرى» - تاجىبەكوۆا سالتانات بولات قىزى (شىمكەنت قالاسى)؛

«مەديتسينالىق- سانيتاريالىق العاشقى كومەكتىڭ ۇزدىك دارىگەرى» - باقبەرگەنوۆا ايگۇل جۇپارباي قىزى ( قىزىلوردا وبلىسى)؛

«ۇزدىك اۋىلدىق دارىگەر» - تولەۋوۆ جاقىپ ورازاي ۇلى ( قىزىلوردا وبلىسى)؛

«دەنساۋلىق ساقتاۋداعى ۇزدىك الەۋمەتتىك قىزمەتكەر» - سابيەۆا ايگۇل بولات قىزى (شىمكەنت قالاسى)؛

«ۇزدىك اكۋشەر» - قاجەنوۆا مارجان تىنىشقالي قىزى (باتىس قازاقستان وبلىسى)؛

«ستاتسيوناردىڭ ۇزدىك مەيىرگەرى» - تىلەۋبايەۆا ەلميرا جاسۇلان قىزى (الماتى وبلىسى)؛

«مەديتسينالىق- سانيتاريالىق العاشقى كومەكتىڭ ۇزدىك مەيىرگەرى» - ءالجانوۆا ءاليا ناۋرىزباي قىزى (اقمولا وبلىسى)؛

«ۇزدىك اۋىلدىق مەيىرگەر» - جۇمانازاروۆا جۇلدىز قۇربان قىزى (تۇركىستان وبلىسى)؛

«ۇزدىك فەلدشەر» - ماحانبەتوۆا گۇلنار امانكەلدى قىزى (اقتوبە وبلىسى)؛

«مەديتسينالىق جوعارى وقۋ ورنىنىڭ ۇزدىك وقىتۋشىسى» - قوجانوۆا قالداناي قارجاۋ قىزى (س. ج. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى)؛

«مەديتسينا كوللەدجىنىڭ ۇزدىك وقىتۋشىسى» - جۇماديلوۆا مادينا سەمباي قىزى (جەتىسۋ وبلىسى)؛

«دەنساۋلىق ساقتاۋداعى ۇزدىك عالىم» - جاقىپبەكوۆ قايرات ساپارحان ۇلى (س. ج. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى)؛

«دەنساۋلىق ساقتاۋدىڭ ۇزدىك مەنەدجەرى» - ءامرين ساكەن ومىرسەرىك ۇلى (سولتۇستىك قازاقستان وبلىسى)؛

«سانيتاريالىق- ەپيدەميولوگيالىق بەيىندەگى ۇزدىك دارىگەر» - پيۆوۆاروۆ ەۆگەني يۆانوۆيچ (شىعىس قازاقستان وبلىسى)؛

«سانيتاريالىق- ەپيدەميولوگيالىق ساراپتامانىڭ ۇزدىك مامانى» - راحىمبايەۆا الماگۇل قالي قىزى (الماتى قالاسى)؛

«ۇزدىك پروۆيزور» - ءالجانوۆا حاديشا دەربىس قىزى (تۇركىستان وبلىسى).

جەڭىمپازدارعا 500 ايلىق ەسەپتىك كورسەتكىش (ا ە ك) مولشەرىندە كوتەرمەلەۋ تولەمى تاعايىندالدى. بۇل - مەملەكەت تاراپىنان مەديتسينا قىزمەتكەرلەرىنىڭ ەڭبەگىنە بەرىلگەن جوعارى باعا مەن قولداۋدىڭ ناقتى كورىنىسى.

مينيسترلىكتىڭ مالىمەتىنشە، بايقاۋ ەلىمىزدىڭ بارلىق ايماقتارىندا جوعارى كاسىبي بىلىكتىلىك تانىتىپ جۇرگەن مامانداردى انىقتاپ، دەنساۋلىق ساقتاۋ جۇيەسىنىڭ دامۋىنا قوسقان ۇلەستەرىن اتاپ ءوتۋ ماقساتىندا جىل سايىن وتكىزىلەدى.

ايتا كەتەيىك، پرەزيدەنتتىڭ جارلىعىمەن وتاندىق مەديتسينانى دامىتۋعا ەلەۋلى ۇلەس قوسقان ماماندار ماراپاتتالدى.