دەمالىستا كۇن رايى قانداي بولادى

استانا. KAZINFORM - الداعى كۇندەرى رەسپۋبليكا بويىنشا تۇمان باسىپ، جەل كۇشەيەدى.

سولتۇستىك-باتىس تسيكلونىنىڭ اسەرىنەن 10-قاڭتاردا ەلدىڭ باتىسىندا، 11-قاڭتاردا سولتۇستىك-باتىسىندا، سولتۇستىگىندە جانە ورتالىق وڭىرلەرىندە، 12-قاڭتاردا شىعىسىندا تۇندە قار جاۋىپ، جاياۋ بۇرقاسىن، كوكتايعاق بولىپ، كۇندىز جاۋىن-شاشىن (جاڭبىر، قار)، كوكتايعاق بولجانادى.

11-قاڭتاردا قوستاناي جانە سولتۇستىك قازاقستان وبلىستارىندا قالىڭ قار تۇسەدى.

10-12-قاڭتاردا ەلدىڭ وڭتۇستىگىندە، 12-قاڭتاردا وڭتۇستىك-شىعىسىندا جاڭبىر بولجانادى.

سونداي-اق رەسپۋبليكا بويىنشا تۇمان، جەلدىڭ كۇشەيۋى كۇتىلەدى.

11-قاڭتاردا ەلدىڭ سولتۇستىگى مەن ورتالىعىندا، 12-قاڭتاردا شىعىسىندا كۇندىز اۋا تەمپەراتۋراسى 3+3- گرادۋس شاماسىندا بولادى.