دەمالىس كۇندەرى اياز سىنىپ، شۋاقتى جىلى كۇندەر كەلەدى

استانا. KAZINFORM - قازگيدرومەت سينوپتيكتەرى 2-4- ناۋرىز ارالىعىنا ارنالعان ءۇش كۇندىك اۋا رايى بولجامىن جاريالادى.

قازاقستاننىڭ باسىم بولىگىندە تەرىس تەمپەراتۋرالىق فون ساقتالعانىنا قاراماستان الداعى كۇندەر كوكتەمگە ءتان شۋاقتى بولادى.

ءتىپتى ەلدىڭ شىعىسىندا تۇنگى ۋاقىتتا سۋىق مينۋس 36 دان مينۋس 20 گرادۋسقا دەيىن بىرتىندەپ السىرەيدى.

تەك ەلدىڭ سولتۇستىك، شىعىس، وڭتۇستىك-شىعىس ايماقتارىندا تسيكلونداردىڭ اسەرىنەن جاۋىن-شاشىن جاۋىپ، كوكتايعاق بولادى، جەل كۇشەيەدى.

كۇن نەگىزىنەن بۇلتتى بولادى.