دەمالىس كۇندەرى اۋا تەمپەراتۋراسى 42 گرادۋسقا دەيىن كوتەرىلەدى
20:48, 14 - ماۋسىم 2024
استانا. KAZINFORM - قازگيدرومەت سينوپتيكتەرى 15-17-ماۋسىم ارالىعىنا ارنالعان ءۇش كۇندىك اۋا رايى بولجامىن جاريالادى.
تاياۋ كۇندەرى قازاقستاننىڭ كوپ بولىگىنە ماسكەۋ اۋداندارىنانكەلگەن سيكلون اسەر ەتەدى. وسىنىڭ سالدارىنان اۋا رايىنىڭ تۇراقسىز سيپاتى ساقتالادى.
كوپ وڭىرلەردە وتكىنشى جاڭبىر جاۋادى، ەلىمىزدىڭ سولتۇستىك- باتىسى مەن سولتۇستىگىندە كەي ۋاقىتتا قاتتى جاۋىن بولادى.
نايزاعاي جارقىلداپ، جەل كۇشەيەدى، كۇندىز بۇرشاق جاۋۋى مۇمكىن.
سونىڭ وزىندە قازاقستانعا جەرورتا تەڭىزىنەن وتە جىلى اۋا جىلجي بەرەدى، ناتيجەسىندە كوپ وبلىستاردا تەرمومەتر باعانى كۇندىز +27+35°c دەيىن، ال وڭتۇستىكتە +35+42°c دەيىن جوعارىلايدى.