دەمالىس كۇندەرى اۋا رايى قانداي بولادى؟

استانا. KAZINFORM - سينوپتيكتەر الداعى كۇندەرگە ارنالعان اۋا رايى بولجامىن جاريالادى.

رەسپۋبليكانىڭ باسىم بولىگىنە ءالى دە اتموسفەرالىق فرونتالدى بولىمدەر اسەر ەتەدى. سوندىقتان اۋا رايى تۇراقسىز بولادى، جاڭبىر جاۋادى، تۇنگى ۋاقىتتا ەلدىڭ سولتۇستىك-باتىسىندا، سولتۇستىگىندە جانە ورتالىعىندا جاۋىن-شاشىن جاۋادى، جاڭبىردىڭ ارتى قارعا ۇلاسادى.

«وڭتۇستىكتە، 14-15-ساۋىردە ەلدىڭ وڭتۇستىك-شىعىسىندا قاتتى جاڭبىر بولجانادى. تەك شىعىس قازاقستان وبلىسىندا، 13-14-ساۋىردە اباي وبلىسىندا جاۋىن-شاشىنسىز اۋا رايى كۇتىلەدى»، - دەپ جازىلعان حابارلامادا.

رەسپۋبليكا بويىنشا جەل سوعادى، تۇنگى جانە تاڭەرتەڭگى ۋاقىتتاردا تۇمان تۇسەدى، كۇندىز باتىس، وڭتۇستىك وڭىرلەردە نايزاعاي وينايدى. دەگەنمەن اۋا تەمپەراتۋراسىندا توسىن وزگەرىستەر كۇتىلمەيدى.