استانا. قازاقپارات - جەلى قولدانۋشىلارى ەكى سپورتشىنىڭ بۇل ارەكەتىنە تامسانىپ جاتىر. كۇنى كەشە اقوردادا پرەزيدەنت قاسىم-جومارت توقايەۆ پاريج وليمپياداسىنىڭ چەمپيوندارى مەن جۇلدەگەرلەرىن قابىلداپ، ولاردى قۇتتىقتاعان بولاتىن. بۇنداي ساياسي شارالاردا ادەتتە اقوردانىڭ قوناقتارى ەرتەرەك جينالادى. پرەزيدەنتتى كۇتىپ جۇرگەن قوس بالۋان - ەلدوس سمەتوۆ پەن دەمەۋ جادىرايەۆتىڭ كۇرەسكەن ۆيدەوسى تارادى، دەپ جازادى Azattyq Rýhy.
سپورتشىلاردىڭ ۆيدەوسىن جۋرناليست ءادىل بلاتابايەۆ ءتۇسىرىپ العان. اقوردانىڭ سالتاناتتى زالىنا جينالعان سپورتشىلاردىڭ ءبىرازى ءوزارا اڭگىمەلەسىپ وتىر. سول ساتتە وليمپيادا چەمپيونى ەلدوس سمەتوۆ الدىنان شىققان دەمەۋ جادىرايەۆپەن امانداسقان. ونى كورگەن كەزدە قۋانىشىن جاسىرا الماعان دەمەۋ جادىرايەۆ سمەتوۆپەن كۇرەسكىسى كەلىپ، ازىلدەسكەن.
ەكى سپورتشىنىڭ ۆيدەوسى قازىر الەۋمەتتىك جەلىدە كەڭىنەن تارالىپ جاتىر. قازاقستاندىقتار ەكى باتىردىڭ بۇل ارەكەتى وزدەرىنە جاراسادى دەپ، ازىلدەرىنە قولداۋ بىلدىرگەن.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан