دجەننيفەر لوپەستىڭ كونسەرتىنە وراي استانادا جالدامالى پاتەر باعاسى قىمباتتادى

استانا. KAZINFORM - استانادا وتەتىن الەمدىك پوپ-جۇلدىز دجەننيفەر لوپەستىڭ كونسەرتىنە بايلانىستى قالانىڭ كەي اۋداندارىندا، اسىرەسە «استانا ارەنا» ماڭىندا پاتەرلەردى تاۋلىكتىك جالداۋ باعاسى بىرنەشە ەسە وسكەن.

بۇعان دەيىن بۇل اۋدانداعى ورتاشا جالداۋ باعاسى:

- ءبىر بولمەلى پاتەر - 12-15 مىڭ تەڭگە

- ەكى بولمەلى پاتەر - 20-25 مىڭ تەڭگە شاماسىندا بولعان.

الايدا كونسەرت قارساڭىندا كەيبىر پاتەر يەلەرى باعانى تاۋلىگىنە 45000 تەڭگەگە دەيىن كوتەرگەن. جارنامادا تىكەلەي كورسەتىلگەن «-31 شىلدە - 2 -تامىز ارالىعى - 45000 تەڭگە. دجەي لو كونسەرتى!»

ەسكە سالايىق، دجەننيفەر لوپەس بۇگىن، 1-تامىز كۇنى، استاناداعى «استانا ارەنا» ستاديونىندا «Up All Night» اتتى الەمدىك تۋر اياسىندا كونسەرت بەرەدى.

بۇعان دەيىن، ەلوردادا دجەننيفەر لوپەس كونسەرتى كەزىندە قوزعالىس ۋاقىتشا شەكتەلەتىنىن جازعانبىز.