دجۋلي ستاففت قازاقستانداعى ا ق ش-تىڭ جاڭا ەلشىسى بولۋى مۇمكىن
دجۋلي ستاففتتىڭ قازاقستان رەسپۋبليكاسىنداعى ا ق ش- تىڭ توتەنشە جانە وكىلەتتى ەلشىسى قىزمەتىنە كانديداتۋراسى اق ءۇيدىڭ رەسمي سايتىندا جاريالاندى، دەپ حابارلايدى Kazinform.
ستاففتپەن بىرگە مالايزيا، شري-لانكا جانە تايلاند ەلدەرىندەگى ەلشى لاۋازىمدارىنا ۇسىنىلعان كانديداتتار دا كورسەتىلگەن.
قازىرگى ۋاقىتتا دجۋلي ستاففتتىڭ كانديداتۋراسى ا ق ش سەناتىنا جولدانعان. ەلشىلەردى تاعايىنداۋ پروتسەسى بىرنەشە كەزەڭنەن تۇرادى: الدىمەن كانديداتۋرانى پرەزيدەنت ۇسىنادى، كەيىن ونى سەناتتىڭ حالىقارالىق ىستەر جونىندەگى كوميتەتى قارايدى، قاجەت بولعان جاعدايدا تىڭداۋلار ۇيىمداستىرىلادى. كوميتەتتىڭ ماقۇلداۋىنان كەيىن ماسەلە جالپى سەنات وتىرىسىندا داۋىسقا سالىنادى.
دجۋلي ستاففت بۇعان دەيىن ا ق ش- تىڭ مولدوۆا، دجيبۋتي، رەسەي، ەفيوپيا جانە پولشاداعى ەلشىلىكتەرىندە جۇمىس ىستەگەن. سونداي-اق ۆيزالىق قىزمەتتەر جونىندەگى باسقارۋشى ديرەكتور قىزمەتىن اتقارعان. 2025-جىلعى قاڭتاردان باستاپ ا ق ش مەملەكەتتىك دەپارتامەنتىنىڭ كونسۋلدىق ىستەر بيۋروسىندا اعا قىزمەتكەر رەتىندە جۇمىس ىستەپ كەلەدى.
ايتا كەتەيىك، بۇعان دەيىن قازاقستانداعى ا ق ش ەلشىسى دەنيەل روزەنبليۋم وتستاۆكاعا كەتكەنىن حابارلاعان بولاتىن.