الماتى. KAZINFORM - الەمگە ايگىلى اكتەر، رەجيسسەر، پروديۋسەر دجەكي چان قاتىساتىن «قۇدىرەتتى ساۋىت» فيلمىنىڭ ءتۇسىرىلىمى قازاقستاندا وتەدى.
بۇل اڭىزعا اينالعان فرانشيزانىڭ ءتورتىنشى ءبولىمى بولماق.
جوبانى ۇيىمداستىرۋشىلاردىڭ حابارلاۋىنشا، فيلمنىڭ كەزەكتى ءبولىمىنىڭ ءتۇسىرىلىم الاڭى رەتىندە قازاقستان تاڭدالعان. بۇل شەشىم بەيجىڭدەگى كەلىسسوزدەردەن كەيىن قابىلدانعان.
ايتا كەتەيىك، «قۇدىرەتتى ساۋىت» فرانشيزاسى العاش رەت 1986-جىلى جارىق كوردى. ەكشن مەن شىعىس كومەدياسىن ۇيلەستىرگەن تۋىندى اكتەردى الەمدىك جۇلدىزعا اينالدىردى.
ەسكە سالايىق، بۇعان دەيىن دجەكي چاننىڭ الماتىعا كەلگەنىن حابارلاعان ەدىك.
كەيىنىرەك تانىمال اكتەر الماتىداعى ءتۇسىرىلىم الاڭدارىن ءوزى تاڭداعىنىن ايتتى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.