شەبەرلىكتىڭ قۇرمەتتى سيمۆولىن تابىس ەتۋ ءراسىمى نيۋ-يوركتە «Karate Kid: Legends» جاڭا فيلمىنىڭ پرەمەراسىندا ءوتتى. چاڭنان بولەك ونىڭ ارىپتەسى رالف ماككو دا قارا بەلبەۋمەن ماراپاتتالدى. WKF باس حاتشىسى توشيحيسا ناگۋرا قوس اكتەردى جەكە قۇتتىقتادى.
ءىس-شاراعا سونىمەن قاتار وليمپيادا قاتىسۋشىسى جانە كاراتەدەن ا ق ش چەمپيونى توماس سكوتت قاتىستى. مەرەكەلىك ءىس-شارا WKF مەن «Karate Kid: Legends» فرانشيزاسىن جاساۋشىلار اراسىنداعى سەرىكتەستىكتىڭ ءبىر بولىگى بولدى. ول كينوداعى كاراتەنىڭ نەگىزگى پرينتسيپتەرىن: ءتارتىپ، قۇرمەت، ار-نامىس، تاباندىلىق جانە بىرلىكتى تاراتۋعا قوسقان ەلەۋلى ۇلەسىن كورسەتەدى.
«Karate Kid: Legends» فيلمى بۇكىل الەم بويىنشا 8-مامىردا پروكاتقا شىقتى. بۇل فيلمدە چان مەن ماككو جاس تالانت لي فونگقا (بەن ۆان) نيۋ-يورككە بەيىمدەلۋگە جانە كاراتە تۋرنيرىنە قاتىسۋعا دايىندالۋعا كومەكتەسەتىن تاجىريبەلى جەكپە-جەك شەبەرلەرىن وينايدى. فيلمنىڭ رەجيسسەرى دجوناتان ەنتۋيستل، ال سسەناريىن روب ليبەر جازعان.
ەسكە سالا كەتەيىك، قازاقستاندا دجەكي چاننىڭ قاتىسۋىمەن بىرنەشە كينوجوبا قولعا الىندى.
اۆتور
بەگابات ۇزاقوۆ