41 جاستاعى كاسىپكەر 2026 -جىلعى رەيتينگكە جاڭادان ەنگەن 263 ادامنىڭ ىشىندەگى ەڭ بايى اتاندى.
HuRun ينستيتۋتى ليان ۆەنفەننىڭ بايلىعىن 280 ميلليارد يۋانعا (42 ميلليارد دوللار) باعالاعان. بۇل رەتتە ەسەپتەۋ كەزىندە 1-قىركۇيەكتەگى اكتيۆتەر قۇنى نەگىزگە الىنعان.
HuRun وكىلدەرىنىڭ تۇسىندىرۋىنشە، بۇعان دەيىنگى رەيتينگكە ليان ۆەنفەن ەنگىزىلمەگەن. بۇعان ونىڭ DeepSeek جوباسىن كوممەرتسيالاندىرۋدان باس تارتاتىنى تۋرالى مالىمدەمەسى سەبەپ بولعان.
ال جاڭارتىلعان ەسەپتە زەرتتەۋ ينستيتۋتى كومپانيانىڭ قۇنىن 50 ميلليارد دوللاردان جوعارى باعالادى.
HuRun زەرتتەۋ ينستيتۋتى جىل سايىن قىتايدىڭ ەڭ باي ادامدارىنىڭ رەيتينگىن جاريالاپ وتىرادى. بۇل ءتىزىم Forbes رەيتينگىنىڭ قىتايداعى بالاماسى سانالادى ءارى ەلدىڭ جەكە سەكتورىنداعى بايلىق كولەمىن باعالاۋداعى نەگىزگى كورسەتكىشتەردىڭ ءبىرى بولىپ ەسەپتەلەدى.
بۇعان دەيىن ا ق ش ىشكى قاۋىپسىزدىك مينيسترلىگى ازاماتتىق مەملەكەتتىك مەكەمەلەرگە قىتايلىق DeepSeek پلاتفورماسىن جانە ونىڭ نەگىزىندە ازىرلەنگەن بارلىق سەرۆيستى مەملەكەتتىك جۇيەلەردەن الىپ تاستاۋدى تاپسىردى.