دۋبايدا ەڭ قىمبات ءبىر شىنىاياق كوفە دايىندالدى

استانا. قازاقپارات - Guinness رەكوردتار كىتابىنىڭ دەرەكتەرىنە سايكەس، الەمدەگى ەڭ قىمبات كوفە دۋبايداعى Roasters Specialty Coffee House كوفەحاناسىندا دايىندالعان.

ءبىر شىنىاياق كوفەنىڭ قۇنى - 2500 ديرحام (680 ا ق ش دوللارى). قىمبات كوفەنى ساتىپ العان ادامنىڭ كىم ەكەنى بەلگىسىز.

بۇل قىمبات ءارى ەرەكشە سۋسىندى ازىرلەۋ ءۇشىن پاناماداعى Hacienda La Esmeralda فەركاسىندا وسىرىلگەن سيرەك كەزدەسەتىن Geisha ارابيكا داندەرى پايدالانىلعان.

بۇعان دەيىن ءبىز 2025-جىلى جاھاندىق نارىقتا كوفەنىڭ باعاسى قالاي وزگەرەتىنى جانە ونىڭ قازاقستاندىق تۇتىنۋشى ءۇشىن قالاي اسەر ەتەتىنى تۋرالى جازعان بولاتىنبىز.

كوكتەمدە قازاقستاننىڭ كوفە يمپورتىن ايتارلىقتاي ارتتىرعانى حابارلانعان ەدى.

ال تامىز ايىندا شىمكەنتتە ءىرى كولەمدەگى قولدان جاسالعان (كونترافاكت) كوفە تاركىلەندى.