ءمان-جايى
جەلىدەگى مالىمەتكە سۇيەنسەك، سوتتالۋشىنىڭ اناسى ۇلى كىنالى ەكەنىنە سەنبەيتىنىن جانە وعان جالا جابىلعانىن ايتادى. ونىڭ سوزىنشە، ۇلى 2024-جىلى قىركۇيەكتە ب ا ءا- گە تابىس تابۋ ءۇشىن كەتىپ، جۇرگىزۋشى بولىپ جۇمىس ىستەگەن.
العاشىندا ول ۇنەمى بايلانىسقا شىعىپ تۇرعان، ال كەيىنىرەك قىلمىستىق ءىس بويىنشا ايىپتالۋشى بولىپ تانىلعانىن حابارلاعان. كەيىن ارادا بايلانىس ءۇزىلىپ، جىگىتتىڭ جاقىندارى سىرتقى ىستەر مينيسترلىگىنە جۇگىنگەن. مينيسترلىك سوت ۇكىمى شىققانىن حابارلاعان.
س ءى م نە دەيدى؟
قازاقستاننىڭ سىرتقى ىستەر مينيسترلىگى رەداكسياعا بەرگەن جاۋابىندا «ۆەدومستۆو ب ا ءا- دە ۇستالعان قازاقستان ازاماتى ە. الماحانعا قاتىستى جاعدايدان حاباردار» ەكەنىن مالىمدەدى.
«18-ناۋرىزدا دۋباي قالاسىنىڭ ءبىرىنشى ساتىداعى سوتى ازامات ە. الماحاندى ءبىرقاتار اۋىر قىلمىس بويىنشا كىنالى دەپ تانىپ، ءومىر بويىنا باس بوستاندىعىنان ايىرۋ جانە ايىپپۇل تولەۋ تۋرالى ۇكىم شىعارعان بولاتىن. ازامات اپپەلياتسيالىق شاعىم ءتۇسىردى. وسىعان بايلانىستى ۇكىم ءالى كۇشىنە ەنگەن جوق»، - دەپ جازىلعان حابارلامادا.
قازاقستان ەلشىلىگى ب ا ءا- ءنىڭ قۇزىرەتتى ورگاندارىنا رەسمي ساۋال جولداعان. قازىر قازاقستان تاراپى جاۋاپ كۇتىپ وتىر.
«دۋبايداعى باس كونسۋلدىق ءوز قۇزىرەتى شەڭبەرىندە ءتيىستى كونسۋلدىق-قۇقىقتىق قولداۋ كورسەتىپ جاتىر. بۇل ماسەلە مينيسترلىكتىڭ ەرەكشە باقىلاۋىندا»، - دەپ جازىلعان حابارلامادا.
ايتا كەتەيىك، مينيسترلىك ونىڭ قانداي ءىس بويىنشا سوتتالعانىن ناقتىلامادى.