استانا. قازاقپارات - دۋباي ءامىرى ءارى ب ا ءا پرەمەر-ءمينيسترى مۋحاممەد بەن راشيد ءال ماكتۋمنىڭ قىزى ماحرا كۇيەۋى، شەيح مانۋ ءال ماكتۋممەن Instagram-داعى جازباسى ارقىلى اجىراسىپ كەتتى، دەپ حابارلايدى El.kz اقپارات اگەنتتىگى.
دۋباي حانشايىمىنىڭ Instagram ارقىلى اجىراسۋىنىڭ وزىنەن مۇسىلمان ءداستۇرىنىڭ ساقتالعانىن بايقاۋعا بولادى: ماحرا «مەن سەنىمەن اجىراسامىن» ءۇش رەت دەپ جازعان.
ءۇش رەت تالاق بەرۋ ەر ادامعا ايەلىمەن اجىراسۋعا مۇمكىندىك بەرەدى. بۇل تاجىريبەگە ايەلدەردىڭ قۇقىعىن تاپتايدى دەگەن تۇسىنىكپەن كوپتەگەن ەلدە تىيىم سالىنعان. حانشايىمنىڭ جازباسىنا قاراعاندا، ونىڭ كۇيەۋى كوزىنە ءشوپ سالعان.
قىمباتتى كۇيەۋىم، وزگە كومپانوندارىڭنان قولىڭ بوساماي جاتقاندىقتان، ەكەۋمىزدىڭ اجىراسقانىمىزدى حابارلايمىن. مەن سەنىمەن اجىراسامىن، مەن سەنىمەن اجىراسامىن، مەن سەنىمەن اجىراسامىن. ءوزىڭدى كۇت. سەنىڭ بۇرىنعى ايەلىڭ، - دەپ جازدى ول.
وسىلايشا، شىعىس ەرتەگىسى اياقتالعان سەكىلدى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан