دۋباي اۋەجايلارى بەلگىسىز مەرزىمگە جۇمىسىن توقتاتتى

استانا. KAZINFORM - دۋبايدىڭ حالىقارالىق اۋەجايلارى - Dubai International Airport (DXB) جانە Al Maktoum International Airport (DWC) تاياۋ شىعىستاعى جاعدايدىڭ ۋشىعۋىنا بايلانىستى بەلگىسىز مەرزىمگە جۇمىسىن توقتاتتى، دەپ حابارلايدى Kazinform اگەنتتىگى.

Dubai Airports كومپانيا-وپەراتورىنىڭ مالىمدەۋىنشە، بارلىق رەيس قوسىمشا حابارلاماعا دەيىن ۋاقىتشا توقتاتىلعان.

- جولاۋشىلارعا اۋەجايعا كەلمەۋ ۇسىنىلادى. ولار رەيستەر تۋرالى وزەكتى اقپارات الۋ ءۇشىن اۋە كومپانيالارىمەن تىكەلەي بايلانىسۋى ءتيىس، - دەلىنگەن رەسمي حابارلامادا.

ەسكە سالا كەتەيىك، بۇعان دەيىن قازاقستان تاياۋ شىعىستاعى التى ەلدىڭ اۋە كەڭىستىگىنە ۇشۋعا تولىق تىيىم ەنگىزگەن بولاتىن.