داستان رىسپەكوۆ ۇلىتاۋ وبلىسىنىڭ اكىمى لاۋازىمىنا تاعايىندالدى

استانا. KAZINFORM - مەملەكەت باسشىسىنىڭ جارلىعىمەن داستان اداي ۇلى رىسپەكوۆ ۇلىتاۋ وبلىسىنىڭ اكىمى لاۋازىمىنا تاعايىندالدى. بۇل تۋرالى اقوردانىڭ باسپا ءسوز قىزمەتى ءمالىم ەتتى.

رىسپەكوۆ داستان 1984 -جىلى جەزقازعان قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن جانە قاز م ز ۋ الماتى زاڭ اكادەمياسىن بىتىرگەن.

ەڭبەك جولىن 2006 -جىلى الماتى قالاسىنداعى ەكونوميكا جانە بيۋدجەتتى جوسپارلاۋ دەپارتامەنتىنىڭ بولجامداۋ جانە تۇسىمدەر ءبولىمىنىڭ باس مامانى رەتىندە باستاعان.

2007-2016 -جىلدارى الماتى قالاسىندا ەكونوميكا جانە بيۋدجەتتىك جوسپارلاۋ دەپارتامەنتىندە، الماتى قالاسى بويىنشا تەكسەرۋ كوميسسياسىندا، استانا قالاسى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە باسشىلىق لاۋازىمداردا جۇمىس ىستەدى.

2018-2019 -جىلدارى - پاۆلودار وبلىسى كاسىپكەرلىك، ساۋدا جانە تۋريزم باسقارماسىنىڭ باسشىسى، 2019 -جىلدىڭ ءساۋىر ايىنان باستاپ «استانا ەكسپو-2017» ۇ ك» ا ق ەكونوميكا جانە بيۋدجەتتى جوسپارلاۋ دەپارتامەنتىنىڭ ديرەكتورى قىزمەتىن اتقاردى.

2020 -جىلدىڭ اقپان ايىنان باستاپ مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ ءتوراعاسى قىزمەتىن اتقاردى.

ەسكە سالا كەتەيىك، بۇعان دەيىن مەملەكەت باسشىسىنىڭ جارلىعىمەن بەرىك ءابدىعالي ۇلى ۇلىتاۋ وبلىسىنىڭ اكىمى لاۋازىمىنان بوساتىلعانىن جازعان بولاتىنبىز.