دارىگەرلەر جۇرەگى 10 مينۋت سوقپاي قالعان ەر ادامدى قۇتقاردى
17:10, 06 - جەلتوقسان 2024
شىمكەنتتىك دارىگەرلەر جۇرەگى 10 مينۋت سوقپاي قالعان ناۋقاستى قۇتقاردى.
40 جاستاعى ەر ادام № 2 قالالىق اۋرۋحاناعا گيپوۆولەميالىق شوك جانە بۇيرەك جەتكىلىكسىزدىگى دياگنوزىمەن وتە اۋىر جاعدايدا تۇسكەن.
"ەر ادامنىڭ جۇرەگى 10 مينۋتقا توقتاپ، دەرەۋ جانساقتاۋ بولىمىنە جاتقىزىلدى. جەدەل ءىس- شارالاردان كەيىن دارىگەرلەر جۇرەك سوعىسىن قالپىنا كەلتىرىپ، ناۋقاستى جاساندى تىنىس الۋ اپپاراتىنا قوستى"، - دەپ جازىلعان اقپاراتتا.
ەر ادام جاعدايى جاقسارعانعا دەيىن بەس كۇن نەفرولوگيالىق بولىمدە بولدى.
"دارىگەرلەردىڭ ۇيلەسىمدى ءىس- قيمىلدارىنىڭ ارقاسىندا ناۋقاستىڭ جاعدايى جاقسارىپ، قاجەت ەمنەن كەيىن ۇيىنە شىعارىلدى"، - دەدى رەانيماتولوگ جاسۇر مۇحيتدين ۇلى.
ەسكە سالايىق، بۇعان دەيىن دارىگەرلەر الماتىلىق تۇرعىندى امان الىپ قالعانى حابارلاندى.
Otyrar.kz