دارىگەرلەر ۇشاقتا ينسۋلت العان جاپوندىق ازاماتتىڭ قازىرگى جاعدايى تۋرالى ايتتى
20:44, 23 - تامىز 2024
استانا. KAZINFORM - ەلوردا دارىگەرلەرى توكيودان تسيۋريحكە باعىت العان رەيستە ينسۋلت العان جاپون ازاماتىنىڭ جاعدايى تۋرالى ايتتى.
«پاتسيەنتتى ينسۋلت ورتالىعىنىڭ پالاتاسىنا اۋىستىردى»، - دەدى ەلوردانىڭ قوعامدىق دەنساۋلىق ساقتاۋ باسقارماسىنان اگەنتتىك تىلشىسىنە.
بۇعان دەيىن استانالىق دارىگەرلەردىڭ توكيو-تسيۋريح اۋە رەيسىندە ينسۋلت العان جاپونيا ازاماتىنىڭ ءومىرى ءۇشىن كۇرەسىپ جاتقانى تۋرالى حابارلاعان ەدىك. سول كەزدە ماماندار پاتسيەنتتىڭ اۋىر حالدە ەكەنىن ايتتى.
ەسكە سالا كەتەيىك، 17-تامىزدا استانادان بارلىق رەيس ۋاقىتشا توقتاتىلىپ، اۋەجاي ەكى ساعاتقا جابىلعان ەدى. وعان سەبەپ 50 جاستاعى جولاۋشى ينسۋلت العان، سوسىن اۋە ەكيپاجى ەلوردا اۋەجايىنا قونۋعا شۇعىل شەشىم قابىلداعان بولاتىن.