استانا. قازاقپارات - دارىگەر پەدرو اندرادە دۇرىس ۇيىقتاماۋ سالماق قوسۋعا سەبەپ بولۋى مۇمكىن ەكەنىن ايتتى. ول ارتىق سالماقتىڭ پايدا بولۋىنا اسەر ەتەتىن بۇل فاكتور تۋرالى Terra باسىلىمىنا بەرگەن سۇحباتىندا تۇسىندىرگەن.
اندرادەنىڭ ايتۋىنشا، ۇيقى قانباعاندا ميدىڭ دۇرىس شەشىم قابىلداۋعا جاۋاپ بەرەتىن بولىگىندە، پرەفرونتال قىرتىستا دوفاميننىڭ بەلسەندىلىگى تومەندەيدى. سونىڭ سالدارىنان ادام كۇنى بويى پايدالى تاماقتان گورى، زيان ءارى كالورياسى كوپ اس تاڭدايدى.
دارىگەر تاماقتانۋ ۇيقىنىڭ ساپاسىنا تىكەلەي ىقپال ەتەتىنىن ايتتى.
«جاقسى ۇيىقتاۋ ءۇشىن دۇرىس تاماقتانۋ كەرەك. ال جاقسى ۇيقى ءوز كەزەگىندە دۇرىس تاڭداۋ جاساۋعا كۇش بەرەدى»، - دەيدى ول.
ماماننىڭ سوزىنشە، كەشكى اسقا اقۋىزدار، كاكاو، كوفە، كوك شاي جانە شوكولاد جەۋ ۇيقىسىزدىققا اكەلۋى مۇمكىن. ال كەرىسىنشە، بانان، جاڭعاق، اۆوكادو، شپينات جانە كۇنباعىس داندەرى ۇيقىنى جاقسارتادى.
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан