«انحانگۋەرا» كوللەدجىنىڭ تاماقتانۋ باعدارلاماسىنىڭ ۇيلەستىرۋشىسى، ديەتولوگ ۆاگنەر دوس رەيس قانتتى از تۇتىنۋ تاماقتان ءلاززات الۋعا كەدەرگى كەلتىرمەيتىنىن مالىمدەدى. ول Terra باسىلىمىنا بەرگەن سۇحباتىندا ءتاتتقۇمارلارعا اتالعان ءادىستى جەڭىلدەتەتىن 5 كەڭەس بەردى، دەپ حابارلايدى turkystan.kz.
«كادىمگى نان قۇرامىندا ءجيى قوسىلعان قانت بولادى. سوندىقتان تۇتاس داننەن جاسالعان ناندى تاڭداعان ءجون نەمەسە ءۇي رەتسەپتەرىن قولدانىپ كورىڭىز. ال اق قانتتىڭ ورنىنا بانان، الما نەمەسە ۇنتاقتالعان دارشىن (كوريتسا) پايدالانۋعا كەڭەس بەرەمىن»، - دەدى رەيس.
سونداي-اق ديەتولوگ گازدالعان سۋسىنداردىڭ ورنىنا ليمون تىلىمدەرى، جالبىز جانە ءزىمبىر قوسىلعان سۋ ىشۋگە كەڭەس بەردى. پەچەنەنىڭ بالاماسى رەتىندە ول كەپتىرىلگەن جەمىستەردى، جاڭعاقتاردى، سونداي-اق بانان، الما جانە كوكوس چيپسىن تاڭداۋعا بولادى دەيدى. ال شوكولادتى جاقسى كورەتىندەرگە قۇرامىندا كەمىندە 70 پايىز كاكاو بار تۇرلەرىن تاڭداۋدى ۇسىندى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан