دارىگەر ءدارىنى ەكىگە ءبولىپ ءىشۋدىڭ زيانى تۋرالى ايتتى

 ءدارىنى سىندىرىپ، ەكىگە ءبولىپ قابىلداۋعا بولا ما؟ بۇل ناۋقاستاردىڭ ءجيى قوياتىن سۇراعى دەيدى ەكاتەرينا ۆولكوۆا. مامان، ەگەر ءدارىنىڭ بەتىندە بولۋگە ارنالعان سىزىق بار بولسا، ونى بولىككە بولۋگە بولاتىنىن ايتتى، - دەپ حابارلايدى Massaget.kz دارىگەر ەكاتەرينا ۆولكوۆانىڭ Telegram-ارناسىنا سىلتەمە جاساپ. 

«كاپسۋلا مەن ءدارىنى بولمەي، بۇتىندەي ءىشۋ كەرەك. ايتپەسە ولار اسقازان ءسولىنىڭ كەرى اسەرىنەن جويىلادى نەمەسە اسقازاننىڭ شىرىشتى قابىعىنا تەرىس اسەر ەتەدى»، - دەپ ءتۇسىندىردى مامان.

كەيبىر دارىلەردىڭ اسقازان ءسولىنىڭ اسەرىنە ءتوزىمدى قابىعى بار، ول دارىلەر اسقازاننان شىققاننان كەيىن عانا ەريدى. ەگەر پرەپارات بولىكتەرگە بولىنسە، مۇنداي جابىن زاقىمدالادى.

ەشقاشان بولۋگە بولمايتىن دارىگەر:

كاپسۋلا؛

سورۋعا ارنالعان كامپيتتەر؛

TTS - ترانسدەرمالدى تەراپيەۆتىك جۇيەلەر (ولارعا، مىسالى، اۋىرسىنۋدى باساتىن پاتچتار جاتادى: ولاردى ەشقانداي جاعدايدا بىرنەشە بولىككە كەسۋگە بولمايدى).

ءدارىنى قولدانۋعا ارنالعان نۇسقاۋلىقتا رۇقسات ەتىلگەن جاعدايدا عانا ءبولىڭىز. ەگەر مۇنداي نۇسقاۋ بولماسا، ءدارىحاناداعى مامانمەن نەمەسە دارىگەرمەن كەڭەسۋ كەرەك.

سونىمەن قاتار، دارىگەر ءبىر ۋاقىتتا بىرنەشە ءدارى ءىشۋ تۋرالى دا ايتتى. مۇندا دارىلەردىڭ ۇيلەسىمدىلىگى تۋرالى ءبىلۋ ماڭىزدى. تەمىر، مىرىش، مىس پرەپاراتتارى سياقتى «تاسىمالداۋشىمەن» بايلانىساتىن نەمەسە ءبىر-ءبىرىنىڭ اعزاعا ءسىڭۋىن بۇزاتىن دارىلەر بار. ولاردى ءبىر ۋاقىتتا ىشۋگە بولمايدى.

«مەن سوربەنتتەرگە بولەك نازار اۋدارعىم كەلەدى. ولار ءوز جولىندا كەزدەسەتىن زاتتاردى بايلانىستىرىپ، شىعارادى. سوربەنتتى قابىلداۋ ءۇشىن باسقا ءدارىنى قابىلداعاننان كەيىن كەم دەگەندە 2 ساعات كۇتكەن ءجون. ونى قابىلداعاننان كەيىن دە كەم دەگەندە 2 ساعات كۇتەمىز»، - دەدى ەكاتەرينا ۆولكوۆا.