دارىگەر اپتاپ ىستىقتا ايران ءىشۋدىڭ پايداسى تۋرالى ايتتى

استانا. قازاقپارات - ايران اپتاپ ىستىقتا جاقسى سەرگىتەتىن سۋسىن. بۇل تۋرالى ەندوكرينولوگ ناتاليا بالاشوۆا ايتتى، - دەپ حابارلايدى  Pravda.Ru.

جازدا كۆاستىڭ ورنىنا ايران ىشكەن اعزا ءۇشىن الدەقايدا پايدالىراق. ماماننىڭ ايتۋىنشا، وسى اشىتىلعان ءسۇتتى سۋسىننىڭ قۇرامىنداعى ءتىرى ايران ساڭىراۋقۇلاقتارىنىڭ دەنساۋلىققا پايداسى بار. سونىمەن قاتار، ول اس قورىتۋعا پايدالى ميكرواعزالاردىڭ كوزى. جازدا تۇتىنۋعا قۇرامى مەن مايلىلىعى وزگەرمەيتىن ءونىمدى تاڭداعان دۇرىس.

سونداي-اق، ول ەگەر ۇيىقتار الدىندا قارنىڭىز اشسا، ايران ىشۋگە بولاتىنىن جەتكىزدى. ويتكەنى ول اسقازان-ىشەك جولدارىنا اۋىرتپالىق تۇسىرمەيدى. ايران اعزاعا وڭاي سىڭەدى، ونىڭ قۇرامىندا اقۋىزدار، مايلار مەن كومىرسۋلار بار. وعان قوسا، ونىڭ قۇرامىندا تالشىق جوق، سوندىقتان ايران اسقازان مەن ىشەكتەرگە اۋىر جۇكتەمە تۇسىرمەيدى.