قۇجات «اشىق ن ق ا» پورتالىندا جاريالاندى.
- «استانا وپەرا» مەملەكەتتىك وپەرا جانە بالەت تەاترى» كوممەرتسيالىق ەمەس اكسيونەرلىك قوعامىنىڭ قامقورشىلىق كەڭەسىنىڭ قۇرامى قازاقستان رەسپۋبليكاسى ۇكىمەتىنىڭ 2013-جىلعى 22-مامىرداعى 512-قاۋلىسىمەن بەكىتىلگەن جانە قازاقستان رەسپۋبليكاسى ۇكىمەتىنىڭ 2021-جىلعى 1-ماۋسىمداعى 362-قاۋلىسىمەن وزگەرتىلدى. قازىر قامقورشىلىق كەڭەستىڭ جەكەلەگەن مۇشەلەرى قاۋلىدا كورسەتىلگەن لاۋازىمدى اتقارمايدى. كادرلىق وزگەرىستەرگە بايلانىستى قامقورشىلىق كەڭەس مۇشەلەرىنىڭ قۇرامىنا وزگەرىس ەنگىزۋ قاجەتتىلىگى تۋىندادى، - دەلىنگەن تۇسىندىرمە جازبادا.
وسىلايشا تەاتردىڭ قامقورشىلىق كەڭەسى مۇشەلەرىنىڭ قۇرامىن وزەكتەندىرۋ ماقساتى قويىلىپ وتىر.
- ەنگىزىلەتىن وزگەرىس قامقورشىلىق كەڭەس قۇرامىن وزەكتى كادرلىق قۇرىلىمعا سايكەس كەلتىرۋ قاجەتتىلىگىمەن نەگىزدەلگەن، - دەپ تۇسىندىرىلگەن قۇجات جوباسىندا.
«استانا وپەرا» مەملەكەتتىك وپەرا جانە بالەت تەاترىنىڭ قامقورشىلىق كەڭەسىنىڭ قۇرامىنان كىمدەر شىعارىلدى؟
- نازاربايەۆا داريعا نۇرسۇلتان قىزى - بۇرىنعى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى؛
- قۇلىبايەۆ تيمۋر اسقار ۇلى - بۇرىنعى «اتامەكەن» قازاقستان رەسپۋبليكاسى ۇلتتىق كاسىپكەرلەر پالاتاسىنىڭ ءتورالقا ءتوراعاسى؛
- ساتقاليەۆ الماسادام مايدان ۇلى - ەنەرگەتيكا ءمينيسترى؛
- ماشكيەۆيچ الەكساندر انتونوۆيچ - ERG Sarl مەنەدجەرلەر كەڭەسىنىڭ ءتوراعاسى:
- شوديەۆ پاتوح كايۋموۆيچ - ERG Sarl مەنەدجەرلەر كەڭەسىنىڭ ءتوراعاسى؛
- راقىشيەۆ كەڭەس حاميت ۇلى - «Fincraft Resources» اكسيونەرلىك قوعامى ديرەكتورلار كەڭەسىنىڭ ءتوراعاسى؛
- سماعۇلوۆ نۇرلان ەركەبۇلان ۇلى - «Astana Group» حولدينگىنىڭ پرەزيدەنتى؛
- ۆاسكەس لۋچانو - ENI S.p.A. ورتالىق ازيا فيليالىنىڭ باسشىسى.
«استانا وپەرا» مەملەكەتتىك وپەرا جانە بالەت تەاترى»
كوممەرتسيالىق ەمەس اكتسيونەرلىك قوعامى جانىنداعى قامقورشىلىق كەڭەستىڭ قۇرامى
جاڭا قۇرامدا كىمدەر بولادى؟
- قازاقستان رەسپۋبليكاسىنىڭ مادەنيەت جانە اقپارات ءمينيسترى؛
- استانا قالاسىنىڭ اكىمى؛
- «استانا وپەرا» مەملەكەتتىك وپەرا جانە بالەت تەاترى» كوممەرتسيالىق ەمەس اكسيونەرلىك قوعامىنىڭ ديرەكتورى (كەلىسۋ بويىنشا)؛
- ابلازيموۆ باحاريدين نۋگمانوۆيچ، «قازازوت» اكسيونەرلىك قوعامى ديرەكتورلار كەڭەسىنىڭ ءتوراعاسى (كەلىسۋ بويىنشا)؛
- باتالوۆ رايىمبەك ءانۋار ۇلى، «اتامەكەن» قازاقستان رەسپۋبليكاسى ۇلتتىق كاسىپكەرلەر پالاتاسى باسقارما ءتوراعاسىنىڭ مىندەتىن اتقارۋشى (كەلىسۋ بويىنشا)؛
- جاقىپوۆ نۇرلان قارشىعا ۇلى، «سامۇرىق-قازىنا» اكسيونەرلىك قوعامىنىڭ باسقارما ءتوراعاسى (كەلىسۋ بويىنشا)؛
- يبراگيموۆ شۋحرات اليدجان ۇلى، ERG S.a.r.l. ديرەكتورلار كەڭەسىنىڭ ءتوراعاسى، باس اتقارۋشى ديرەكتور (كەلىسۋ بويىنشا)؛
- حويتينك سەگەر، Agip Karachaganak B. V. ءتوراعاسى جانە باسقارۋشى ديرەكتورى (كەلىسۋ بويىنشا).
بۇيرىق جوباسى بيىل 3-ساۋىرگە دەيىن قوعامدىق تالقىلاۋعا ۇسىنىلىپ وتىر.
ايتا كەتسەك، بىرەر كۇن بۇرىن مادەنيەت جانە اقپارات ءمينيسترى ايدا بالايەۆا تانىمال تەاتر قايراتكەرى الەكساندر سوۆوستيانوۆتى «استانا وپەرا» ديرەكتورى ەتىپ تاعايىندادى.