دارحان ساتىبالدى ق ر پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى

بۇل تۋرالى اقوردانىڭ باسپا ءسوز قىزمەتى حابارلادى.

دارحان ساتىپالدى 1974 -جىلى وڭتۇستىك قازاقستان وبلىسىندا تۋعان. س. سەيفۋللين اتىنداعى اقمولا اۋىلشارۋاشىلىعى ينستيتۋتىن، قازاق گۋمانيتارلىق زاڭ ۋنيۆەرسيتەتىن بىتىرگەن. ەكونوميكا عىلىمدارىنىڭ كانديداتى.

مانساپ
ەڭبەك جولىن 1996 -جىلى وڭتۇستىك قازاقستان وبلىسىنىڭ كەلەس اۋدانىنىڭ «كەلەس» كوممۋنالدىق كاسىپورنىندا باستاعان.

2000-2006 -جىلدارى قارجى مينيسترلىگىندە، پرەزيدەنتتىڭ ءىس باسقارماسىندا ءارتۇرلى لاۋازىمداردا قىزمەت اتقارعان.

2007-2010 -جىلدارى ءبىلىم جانە عىلىم مينيسترلىگىنىڭ بيۋدجەت جانە قارجى دەپارتامەنتتەرى ديرەكتورىنىڭ ورىنباسارى، عىلىم كوميتەتى ءتوراعاسىنىڭ ورىنباسارى بولعان.

2010 -جىلى ۇلتتىق قاۋىپسىزدىك كوميتەتىنىڭ دەپارتامەنت باستىعى لاۋازىمىنا تاعايىندالعان.

2011-2013 -جىلدارى پرەمەر-مينيستر كەڭسەسىنىڭ الەۋمەتتىك-ەكونوميكالىق ءبولىمى مەڭگەرۋشىسىنىڭ ورىنباسارى لاۋازىمىن اتقارعان.

2013 -جىلى شىمكەنت قالاسىنىڭ اكىمى بولىپ تاعايىندالعان.

2015-2017 -جىلدارى وڭتۇستىك قازاقستان وبلىسى اكىمىنىڭ ءبىرىنشى ورىنباسارى لاۋازىمىن اتقارعان. پارلامەنت سەناتىنىڭ دەپۋتاتى بولىپ سايلانعان.

2019 -جىلعى ناۋرىزدان باستاپ قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى.

2022 -جىلعى 31-تامىزدان تۇركىستان وبلىسىنىڭ اكىمى بولىپ تاعايىندالدى.

«ەرەن ەڭبەگى ءۇشىن» مەدالىمەن، «قۇرمەت» وردەنىمەن ماراپاتتالعان.

وسىعان دەيىن قازاقستاننىڭ ءبىرقاتار مەملەكەتتەگى ەلشىلەرى تاعايىندالعانىن حابارلادىق.