دانيار ەلەۋسىنوۆ ەكى جىل ۇزىلىستەن سوڭ رينگكە ورالادى

«Qazsport» تەلەارناسىنداعى تىكەلەي ترانسلياتسيا استانا ۋاقىتىمەن 19:00 دە باستالادى.

وسى شوۋ اياسىندا قازاقستاندىق بوكسشى دانيار ەلەۋسىنوۆ (11-0، 6 ك و) رينگكە ورالادى.

ول و ا ر وكىلى دجابۋلاني ماكحەنسەمەن (14-2، 7ك و) جۇدىرىقتاسادى.

سونداي- اق بوكس كەشىنە قازاقستان بوكسشىلارى بەكزات نۇرداۋلەتوۆ، اسلانبەك شىمبەرگەنوۆ، دۋلات بەكباۋوۆ، سەرىك تەمىرجانوۆ، ماحمۇد سابىرحان، سانجار تاشكەنباي، ەراسىل جاقپەكوۆ تە قاتىسادى.

دانيار ەلەۋسىنوۆ 2021 -جىلدىڭ جەلتوقسانىنان بەرى رينگكە شىققان جوق.

سول جىلى ول تورەشىلەردىڭ ءبىراۋىزدان قابىلداعان شەشىمىمەن ارگەنتينالىق بوكسشى حۋان ەرنان لەالدەن (15-3، 4 ك و) باسىم ءتۇسىپ، IBO نۇسقاسى بويىنشا جارتىلاي ورتا سالماقتاعى الەم چەمپيونى بەلبەۋىن يەلەنگەن بولاتىن.