دانيا ايەلدەردىڭ اسكەرگە بارۋىن مىندەتتەۋگە نيەتتى

استانا. KAZINFORM - دانيا پرەمەر-ءمينيسترى مەتتە فرەدەريكسەن ۇكىمەتتىڭ ارمياداعى جاستار سانىن ارتتىرىپ، ايەلدەردى اسكەرگە شاقىرۋدى مىندەتتەۋدى قالايتىنىن مالىمدەدى. بۇگىندە ايەلدەردىڭ اسكەرگە بارۋ-بارماۋى ءوز ەركىندە.

Euronews مالىمەتىنشە، دانيا ۇكىمەتى ايەلدەر ءۇشىن مىندەتتى اسكەري قىزمەتتى ەنگىزۋدى جوسپارلاپ وتىر.

پرەمەر-مينيستر مەتتە فرەدەريكسەن الداعى بەس جىلدا قورعانىس شىعىندارىن قىرىق ميلليارد دانيالىق كرونعا ارتتىرۋدى كوزدەيتىن جوسپاردى تانىستىرۋ اياسىندا ءتيىستى مالىمدەمە جاسادى.

«ءبىز تولىق گەندەرلىك تەڭدىكتى ۇسىنامىز. دانيادا ءبارى تەڭ دەپ ماقتانعاندى ۇناتامىز. ءبىراق، بۇگىندە دانيالىق ەر ادامدار عانا قارۋلى كۇشتەر كۇنىنە قاتىسۋعا مىندەتتى. ايەلدەردىڭ تىركەلۋ مۇمكىندىگى بار جانە كەيىن اسكەرگە شاقىرىلادى. گەندەرلىك تەڭدىك قورعانىس سالاسىن زاماناۋي ءارى ءارتۇرلى باعىتتا دامىتاتىنىنا كۇمانىمىز جوق»، دەدى م. فرەدەريكسەن.

سونداي-اق بيلىك ەرلەر مەن ايەلدەردىڭ مەرزىمدى قىزمەت مەرزىمىن ءتورت ايدان ون ءبىر ايعا دەيىن ۇلعايتۋدى جوسپارلاپ وتىر.

اۆتور

ورالحان قوجانوۆ