داۋلەت تۇرلىحانوۆ قازاقستان كۇرەس فەدەراتسياسىنىڭ اتقارىپ جاتقان جۇمىسى تۋرالى باياندادى

استانا. KAZINFORM - استاناداعى «Qazaqstan» جەڭىل اتلەتيكا كەشەنىنىڭ باسپا ءسوز ورتالىعىندا رەسپۋبليكالىق «گرەك-ريم، ەركىن جانە ايەلدەر كۇرەسى فەدەراتسياسى» رەسپۋبليكالىق قوعامدىق بىرلەستىگىنىڭ اعىمداعى قىزمەتىنە قاتىستى وزەكتى ماسەلەلەرگە ارنالعان باسپا ءسوز ءماسليحاتى ءوتتى.

بريفينگكە قازاقستان كۇرەس فەدەراتسياسىنىڭ پرەزيدەنتى داۋلەت تۇرلىحانوۆ، فەدەراتسيا باس حاتشىسى ديماش سۇلتانوۆ، گرەك-ريم كۇرەسى بويىنشا باس جاتتىقتىرۋشى يۋري مەلنيچەنكو، ەركىن كۇرەس بويىنشا باس جاتتىقتىرۋشى ماديار قۇرامىسوۆ، ايەلدەر كۇرەسى بويىنشا باس جاتتىقتىرۋشى قايرات ساعاديەۆ جانە قۇرامالاردىڭ اعا جاتتىقتىرۋشىلارى قاتىستى.

داۋلەت تۇرلىحانوۆ فەدەراتسياسىنىڭ اتقارىپ جاتقان جۇمىستارى مەن الداعى جوسپارلارى تۋرالى كەڭىنەن بايانداپ، قازاقستان قۇراماسى سپورتشىلارىنىڭ جەتىستىكتەرى مەن دايىندىعىنا توقتالدى.

سونداي-اق، ۇلتتىق قۇرامالار باس جاتتىقتىرۋشىلارى پاريج وليمپياداسىنداعى ساتسىزدىكتەردى قورتىندىلاپ، الدا وتەتىن 23 جاسقا دەيىنگى جانە ەرەسەكتەر اراسىنداعى الەم چەمپيوناتىنا دايىندىق تۋرالى باياندادى.

بۇعان دەيىن حابارلاعانىمىزداي، 28-31-قازان كۇندەرى البانيانىڭ تيرانا قالاسىندا وتەتىن وليمپيادالىق ەمەس سالماقتارداعى الەم چەمپيوناتىنا قاتىساتىن قازاقستان قۇراماسى سپورتشىلارى انىقتالدى.

سونىمەن قاتار، البانياداعى الەم چەمپيوناتىنا ەركىن، گرەك-ريم جانە ايەلدەر كۇرەسىنەن 23 جاسقا دەيىنگى قازاقستان كومانداسى تولىق قۇرامدا قاتىسادى.

اۆتور مۇحتار قاليموللا ۇلى