داعىستانداعى لاڭكەستىك: قاسىم-جومارت توقايەۆ رەسەي پرەزيدەنتىنە كوڭىل ايتتى
استانا. KAZINFORM - مەملەكەت باسشىسى قاسىم-جومارت توقايەۆ داعىستانداعى پراۆوسلاۆيە شىركەۋى مەن سيناگوگاعا لاڭكەستىك ارەكەتتەر جاسالىپ، سونىڭ سالدارىنان ءدىن جانە قۇقىق قورعاۋ ورگاندارى قىزمەتكەرلەرىنىڭ قازا بولۋىنا بايلانىستى رەسەي پرەزيدەنتى ۆلاديمير پۋتينگە كوڭىل ايتتى.
«قازاقستان پرەزيدەنتى قۇقىق قورعاۋ جۇيەسى ارقىلى جەدەل-ىزدەستىرۋ شارالارىن جۇرگىزۋدە كومەك كورسەتۋگە دايىن ەكەنىن جەتكىزدى»، - دەپ جازدى اقوردانىڭ رەسمي سايتى
مەملەكەت باسشىسى ادامزاتقا قارسى جاسالعان مۇنداي ارەكەتتى ءۇزىلدى-كەسىلدى ايىپتايدى، سونداي- اق، ب ۇ ۇ، ش ى ۇ جانە باسقا دا بەدەلدى حالىقارالىق ۇيىمدار اياسىندا لاڭكەستىكپەن كۇرەسۋ ءۇشىن كوپجاقتى ىنتىماقتاستىقتى دامىتۋدى قولدايدى.
ايتا كەتەيىك، كەشە داعىستاندا بەلگىسىز بىرەۋلەر پراۆوسلاۆ شىركەۋى مەن سيناگوگاعا شابۋىل جاساعانىن حابارلاعان بولاتىنبىز.