د د س ۇ مايمىل شەشەگىمەن كۇرەسۋ ءۇشىن 135 ميلليون دوللارلىق جاھاندىق جوسپاردى ىسكە قوستى
استانا. KAZINFORM - دۇنيەجۇزىلىك دەنساۋلىق ساقتاۋ ۇيىمى (د د س ۇ) مايمىل شەشەگىنىڭ (mpox) ادامنان ادامعا جۇعۋىمەن كۇرەسۋ ءۇشىن جاھاندىق ناۋقاندى باستادى، دەپ حابارلايدى شينحۋا اقپارات اگەنتتىگى.
ستراتەگيالىق جوسپار 2024 -جىلدىڭ قىركۇيەگىنەن 2025 -جىلدىڭ اقپانىنا دەيىن جۇمىس ىستەيدى جانە 135 ميلليون دوللار قارجىلاندىرۋدى قاجەت ەتەدى.
جاھاندىق، ايماقتىق جانە ۇلتتىق كۇش-جىگەردى ۇيلەستىرىپ وتىرعان باعدارلاما قاداعالاۋ جانە ارەكەت ەتۋ ستراتەگيالارىن جاقسارتۋعا، دياگنوستيكا مەن ۆاكسينالارعا تەڭ قولجەتىمدىلىكتى قامتاماسىز ەتۋگە، جانۋارلاردان ادامعا جۇعۋىن ازايتۋعا جانە ىندەتپەن كۇرەسۋ ءۇشىن قاۋىمداستىقتاردىڭ مۇمكىندىكتەرىن كەڭەيتۋگە باعىتتالعان.
ۆاكسيناتسيا جوسپارى جۇقتىرۋ تىزبەگىن بۇزۋ ءۇشىن پاتسيەنتتەر مەن مەديتسينا قىزمەتكەرلەرى سياقتى قاۋىپ ەڭ كوپ ءتونىپ وتىرعان ادامدارعا باعىتتالعان. ونىڭ نەگىزگى باعىتى - ستراتەگيالىق نۇسقاۋلار مەن ۇسىنىستاردى بەرۋگە، سونداي-اق زارداپ شەككەن ايماقتارداعى حالىقتىڭ وسال توپتارىنا مەديتسينالىق كومەككە قولجەتىمدىلىكتى قامتاماسىز ەتۋ.
«كونگو دەموكراتيالىق رەسپۋبليكاسىندا جانە كورشىلەس ەلدەردەگى شەشەك ىندەتىن باقىلاۋعا جانە توقتاتۋعا بولادى»، - دەدى د د س ۇ باس ديرەكتورى تەدروس ادحانوم گەبرەيەسۋس.
ۇيىم مالىمدەمەسىنە سايكەس، جاقىن ارادا قاراجات جيناۋعا ۇندەۋ جاريالانادى.
ەسكە سالا كەتسەك، بۇعان دەيىن افريكادا كەڭ تارالعان، اسىرەسە كونگو رەسپۋبليكاسىندا اسەرىن كۇشەيتكەن مايمىل شەشەك ۆيرۋسىنا (M-pox) بايلانىستى جاھاندىق توتەنشە جاعداي جاريالانعانىن جازعان بولاتىنبىز.
ق ر دەنساۋلىق ساقتاۋ مينيسترلىگى الەمدەگى مايمىل شەشەگىنىڭ اعىمداعى جاعدايى تۋرالى جانە ەلىمىزدىڭ اۋماعىندا ينفەكتسيانىڭ تارالۋىن بولدىرماۋ بويىنشا قابىلدانعان شارالار تۋرالى مالىمەت جاريالادى.
شۆەتسيا ۇكىمەتى ەلدە مايمىل شەشەگى (M-pox) اۋرۋى تىركەلگەنىن حابارلادى.
قىتاي بيلىگى ەلدە مايمىل شەشەگى اۋرۋىنىڭ تارالۋىنا جول بەرمەۋ ءۇشىن باقىلاۋ- وتكىزۋ بەكەتتەرىندە سانيتارلىق-ەپيدەميولوگيالىق باقىلاۋ شارالارىن كۇشەيتتى.