استانا. KAZINFORM - د ا ي ش (قازاقستان رەسپۋبليكاسىنىڭ اۋماعىندا قىزمەتىنە تىيىم سالىنعان ۇيىم - رەد. ) لاڭكەستىك ۇيىمى تاليباننىڭ بوسقىندار ءىسى جونىندەگى ءمينيسترى حاليل حاككانيدىڭ ولىمىنە جاۋاپكەرشىلىكتى ءوز موينىنا الدى. بۇل تۋرالى Aamaj News اقپارات اگەنتتىگى حابارلادى، دەپ جازادى Report.
ءبىر كۇن بۇرىن Associated Press اگەنتتىگى اۋعانستاننىڭ تاليبان ۇكىمەتىنىڭ بوسقىندار ىستەرى جونىندەگى ءمينيسترى حاليل حاككانيدىڭ لاڭكەستىك شابۋىلدان قازا تاپقانىن حابارلاعان بولاتىن.
تاليبان ۇكىمەتىنىڭ وكىلى زابيحۋللا مۋدجاحيد حاككانيدىڭ ءولىمىن اۋىر سوققى دەپ اتادى.
ايتا كەتەيىك، حاككاني قۇجاتتارعا قول قويۋ كەزىندە ءوزىن- ءوزى جارىپ جىبەرگەنى اتاپ ءوتىلدى. CNN-نىڭ حابارلاۋىنشا، تاليبان وكىلىمەن بىرگە تاعى التى ادام قازا تاپقان.
حاككاني «تاليبان» بيلىككە ورالعاننان بەرى اۋعانستانداعى جارىلىستىڭ قۇربانى بولعان ەڭ جوعارى لاۋازىمدى شەنەۋنىك بولدى. ول 2021 -جىلدىڭ قىركۇيەگىندە اۋعانستاننىڭ بوسقىندار ءىسى جونىندەگى ءمينيسترى بولىپ تاعايىندالعان.
جاراسقان نۇرىبايەۆ
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан