استانا. KAZINFORM - توتەنشە جاعدايلار مينيسترلىگى ازاماتتىق قورعانىس جانە اسكەري بولىمدەر كوميتەتىنىڭ اعا وفيتسەرى ەراسىل سايپاش تاسقىن سالدارىنان ءۇيىن تاستاپ شىققان 11950 ادامنىڭ باسپاناسىنا قايتقانىن ايتتى.
«سۋ تاسقىنى باستالعاننان بەرى 111194 ادام، ونىڭ ىشىندە 39222 بالا قاۋىپسىز جەرگە جەتكىزىلدى. ۋاقىتشا ورنالاستىرۋ پۋنكتەرىندە 6814 ادام، ونىڭ ىشىندە 2995 بالا ورنالاسقان. 11950 ادام ۇيىنە ورالدى»، - دەدى ول.
ەراسىل سايپاشتىڭ سوزىنشە، 9 ميلليون 500 مىڭنان استام تەكشە مەتر قار سۋى سورىپ شىعارىلعان.
«سونداي-اق، 2 ميلليون 200 مىڭ قاپ، 1 ميلليون 200 توننا ينەرتتى ماتەريال توسەلدى. بۇگىنگى تاڭدا اۆاريالىق قۇتقارۋ جۇمىستارىندا 33334 ادام، 4066 تەحنيكا، ونىڭ ىشىندە 835 سۋ سوراتىن قۇرال، 275 ءجۇزۋ قۇرالى، 11 اۋە كەمەسى جۇمىس ىستەپ جاتىر»، - دەدى ت ج م وكىلى.
اۆتور
ەسىمجان ناقتىباي
Бейсен Сұлтан
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан