وڭتۇستىك كورەيا ۇكىمەتى 2027-جىلعا قاراي كورەيادا ءيت ەتىن تۇتىنۋدى تولىعىمەن توقتاتۋ ءۇشىن جىلدىڭ سوڭىنا دەيىن ارنايى زاڭ ەنگىزۋگە كەلىستى، دەپ حابارلايدى Kazinform اگەنتتىگى The Korea Herald باسىلىمىنا سىلتەمە جاساپ.
پرەزيدەنت اكىمشىلىگى مەن باسقارۋشى پارتياسىنىڭ وكىلدەرى يت ءوسىرۋ مەن سويۋعا، سونداي-اق ءيت ەتىن جەتكىزۋ مەن ساتۋعا تىيىم سالاتىن زاڭ جوباسىن قاراستىرۋعا كەلىستى.
ءوز قىزمەتىن وزگەرتۋگە نەمەسە توقتاتۋعا ءماجبۇر بولاتىن كاسىپورىندارعا ۇكىمەت قارجىلىق قولداۋ كورسەتەدى.
وتكەن جىلى كورەيادا تۇتىنۋ ءۇشىن ءيت وسىرەتىن 3500 گە جۋىق فەرما تىركەلگەن.
ولار ەلدەگى 3000 عا جۋىق مەيرامحانانى ءيت ەتىمەن قامتاماسىز ەتەدى.
بىلتىر جۇرگىزىلگەن ساۋالناماعا سايكەس، ەلدە 18 جانە ودان جوعارى جاستاعى ادامداردىڭ 64 پايىزى ءيت ەتىن جەۋ دۇرىس ەمەس دەپ سانايدى.
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған.
2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист.
Сейдақмет Бердіқұлов атындағы арнайы сыйлықтың лауреаты.