14:50, 01 قاراشا 2026

ءۇندىستان جاڭا بۋىن جەرسەرىگىن عارىشقا ۇشىردى

استانا. KAZINFORM - ءۇندىستان عارىشتىق زەرتتەۋلەر ۇيىمى (ISRO) سالماعى ەكى توننادان اساتىن NVS-03 كەلەسى بۋىن ناۆيگاتسيالىق جەرسەرىگىن ءساتتى ۇشىردى. بۇل تۋرالى ت ا س س جازدى.

Фото: isro.gov.in

- GSLV- F18 زىمىران تاسىعىشى NVS-03 ناۆيگاتسيالىق جەرسەرىگىن بەلگىلەنگەن ەلليپتيكالىق وربيتاعا ءساتتى جانە ءدال شىعاردى، - دەدى ISRO باس ديرەكتورى ۆاننياپەرۋمال نارايانان اندحرا-پرادەش شتاتىنىن شريحاريكوتا ارالىندا ورنالاسقان ساتيش دحاۆان اتىنداعى عارىش ورتالىعىندا.

ISRO باسشىسىنىڭ ايتۋىنشا، وسى ءساتتى ستارتتىڭ ارقاسىندا ءۇندىستاننىڭ NavIC ايماقتىق ناۆيگاتسيالىق جەرسەرىك جۇيەسى قالىپتى جۇمىس ىستەۋى ءۇشىن قاجەت سپۋتنيكتەر سانى تولىقتىرىلدى.

- NavIC - ءۇندىستانعا پوزيتسيالاۋ، ناۆيگاتسيا جانە ءدال ۋاقىت قىزمەتتەرىن دەربەس پايدالانۋدى قامتاماسىز ەتەتىن ستراتەگيالىق ۇلتتىق رەسۋرس، - دەپ اتاپ ءوتتى نارايانان.

ISRO مالىمەتتەرى بويىنشا، NavIC سپۋتنيكتىك ناۆيگاتسيالىق جۇيەسى ءۇندىستان ىشىندە جانە ونىڭ شەكاراسىنان تىس 1500 كم- گە سوزىلىپ جاتقان اۋماقتارعا مەكەن، ناۆيگاتسيا جانە ۋاقىت قىزمەتتەرىن ۇسىنۋعا ارنالعان. بۇل جوبا امەريكانىڭ GPS جۇيەسىنە بالاما بولاتىنى ايتىلىپ وتىر.

بۇعان دەيىن قىتاي جەردى باقىلاۋ ءۇشىن جاڭا سپۋتنيكتەردى ۇشىرعانىن حابارلاعان ەدىك.

الەم
كۇنسۇلتان وتارباي
Еуразия Ұлттық университетінің түлегі. Республикалық «Қазақ спорты», «Sport» газеттерінде қызмет атқарған. 2014 жылғы Сочи, 2016 жылғы Рио-Де Жанейро, 2017 жылғы Инчхон және 2024 жылғы Париж Олимпиадасында, сонымен қатар бір қанша Қысқы және Жазғы Азия ойындарынан, әлем біріншіліктеріне барып тікелей хабар таратқан журналист. Сейдақмет Бердіқұлов атындағы арнайы сыйлықтың лауреаты.