استانا. KAZINFORM - قاراعاندى وبلىسىنىڭ پروكۋراتۋراسى ءىرى كومىر ءوندىرۋشى كاسىپورىننىڭ سالىق تولەۋدەن جالتارۋ فاكتىسىن انىقتادى.
2025 -جىلعى 13-ماۋسىمدا قىلمىستىق كودەكستىڭ 245-بابى 3-بولىگى بويىنشا سوتقا دەيىنگى تەرگەپ-تەكسەرۋ باستالدى.
- تەكسەرۋ بارىسىندا كاسىپورىن ۇلەستەس تۇلعانى بەيرەزيدەنت رەتىندە پايدالانىپ، ءوزارا ەسەپ ايىرىسۋلاردا سالىق مولشەرلەمەسىن 1,95 ميلليارد تەڭگەگە تومەندەتكەنى بەلگىلى بولدى، - دەلىنگەن قاراعاندى وبلىسى پروكۋراتۋراسى حابارلاماسىندا.
تەرگەۋ ناتيجەسى بويىنشا كاسىپورىن ديرەكتورى قىلمىستىق جاۋاپكەرشىلىككە تارتىلدى.
زالال تولىق كولەمدە وتەلۋىنە بايلانىستى ءىس ق ك-نىڭ 245-بابىنىڭ ەسكەرتپەسىنە سايكەس اقتالمايتىن نەگىزدەر بويىنشا توقتاتىلدى.
بەيسەن سۇلتان
Сұлтан Бейсен Әл-Фараби атындағы ҚазҰУ-дың журналистика факультетінің түлегі. Еңбек жолын 2007 жылы "Жазушы" баспасында редактор болып бастаған. 2008 жылы "Ара" журналында, 2010-2011 жылы Алматы облысының "Талдықорған кеші" газетінде тілші, 2012 жылы "Талдықорған Севен" газетінде тілші болып жұмыс істеген. 2013 жылы сәуір айынан бастап "ҚазАқпарат" ХАА-нде Төте жазу редакциясында шығарушы редактор болып жұмысқа орналасқан